Shillong, Jan 30: Meghalaya a•dokni Skotong Minister Conrad K Sangma, a•doko tribal-rang aro jatni dingtang dingtang dakbewalrangko ja•rikgiparang ong•ani gimin Uniform Civil Code (UCC)-ko a•doko ra•gatna man•jawa ine Briatibar salo parakataha.
UCC-ni miksongani aro UCC bill ba act, namen dingtanggrika aro uarangko nangrimatna man•jawa ine aganan baksa, India a•songo ia UCC-ko ra•gatnade man•chongmotjawa maina, a•songo dingtang dingtang jatrang, tribal aro indegenous chong•motan songdongkamgipa manderang gnang jean an•tangtangni dakbewal rikbewalrangko ja•rikgiparang ong•a aro iarangko maming saloba apsan ong•atna man•jawa, iani gisepon iako ra•gatode kraani ong•chongmotjawa ine Skotong Minister aganaha.
Indake ong•genchimoba, songdongkamgipa manderangni man•gni bilrangnade apsan niam bidikrangko ra•gatna man•gen ine ua janapatskaaha.
Uttarakhand a•dok, tribal jatrangko changale ia UCC-ko ra•gatanio skanggipa a•dok ong•aha ine janapatan baksa, a•song gimiko matrilineal system-ko ra•gatna tik ka•genchimode, Meghalaya a•doko matrilineal system-ko ja•rikgipa ong•ani gimin chakpaaniko on•genchim ine ua aganaha.
Meghalaya a•doko UCC-ko ra•gatna maming miksongani dongja ine janapatengon, tribal manderangko mande ra•ani gimin aro jatni daka rikanirangko chel•chake naljoke rakkina nangchongmotengani gimin a•doko ia bill-ko ra•gatna a•dok sorkari miksongani dongja ine Conrad parakataha.
Na·simang ia video-koba nina man·gen:
Na·simang iakoba poraina man·gen: A•dokni BJP dilgiparang Union Defense Minister-ko gronge a•ani bidingo chanchirima
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
