Shillong, Jan 29: Meghalaya Football me•asa dolni, Sombar salo, Jharkhand baksa semi-finalko Tamil Nadu-o kal•susaanio 5-3 goal-ko man•e cheenba, Khelo India Youth Games 2024-o kal•susaana gita biapko man•aha.
Indake, semi-final ko kal•susaengmitingo, minute 30-ni gisepon, Jharkhand dolrang goal 2-ko chipaha. Indake ong•engon, kan•dikgipa neng•takaniko on•ani jamano, minute 35-ni gisepo, Meghalaya dolni kal•gipa chadamberang, krengbate kal•enba, penalty box-ni ning•achina indirect free kick-ko tingatenba goal-1ko chipaha.
Skanggipa neng•takani somoio 2-1 goal-rangko man•enba Jharkhand dolrang, kal•susaaniko dilaha.

Indake iani gisepon, neng•takani somoiko man•ani jamano kal•susaataion, minute 30-ni gisepon, kal•gipa dolrangoni Mebanlamlynti Marsharing, goal 4-ko joljol chipskaaha.
Indake, ia semi-finalo Meban-ni ga•subee kal•anichi aro goal 4-ko joljol chipanichi, commentator-ni ku•rangchi, India-ni Team-na kal•e on•enggipa Sunil Chhetri baksa tosusaaniko man•an baksa de•mitelanikoba man•aha.
Meghalaya dolni gnigipa semi-finalko da•al attamni bako, Punjab aro Odisha baksa susana gita tarisamsoaha. Indake, January jani 31 tariko, final kal•susaaniko dakanggen.
Iakoba poraie nina man·gen: Chang 84-gipa AIPOC-ko ong•atanio, Speaker Thomas A Sangma bak ra•a
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub