Shillong, Jan 28: Sonibar salo, Meghalaya Legislative Assembly-ni Speaker, Thomas A Sangma, Maharashtra Legislative Assembly-o chang 84-gipa All India Presiding Officers Conference (AIPOC)-ko Mumbai-o ong•atani skanggipa salo bak ra•angaha.
Ia tom•bimonganiko, Lok Sabha-ni Speaker, Om Birla, Prime Minister Narendra Modi-ni dongpaanio oprake on•angaha.

Tom•bimonganio, Parliament aro State aro Union Territory Legislature ba sorkarini melachakram biaprango, nama bewalrangko ja•rike tom•anio chanchirimaniko dakgenchimode, sorkarini kosako manderang bate ka•dongchakna man•genchim ine chanchirimaniko dakangaha.

Ia tom•anio, Thomas A Sangma, mongsongbate sorkarini kosako manderangni ka•donganiko bariatani gimin aganangaha. Parliament, State Legislature aro Union Territory-rangni tom•e chanchirimani nokdringo, kraa bewalrangko ja•rike saksa sakgipinko mande ra•grike chanchirimaniko dakna nangchongmotani giminba ua talataniko dakangaha. Indake, niamko dakenggiparang ong•e ia sorkarini nokdringko mande ra•na aro uni on•gimin niamrangko ja•rikna nanga aro kragijagipa bewalrangko ka•anirangko gelna jotton ka•na nanga ineba ua kan•dike talate on•angaha.

Meghalaya Legislative Assembly-o saksa sakgipin baksa ding•chaoe jera ra•grikaniara namen nitogijani ong•a ineba ua gisik ra•ataniko dakangaha.

Treasury aro opposition dolgnini gisepo dingtang dingtang neng•anirangko namgrikatnade saksa sakgipin baksa kraa aro nama bewalo chanchirimaniko dakna nanggen ineba ua agandapataha.

Iakoba poraie nina man·gen: South Shillong Constituency-ni ning•o, dam 10 rama jallangrangko tarina gita gong crore 15.21 tangkarangko chama

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub