32.7 C
Tura
spot_img

Meghalaya High Court koilarangko apjitatani salko ra•doata

Must read

Shillong, May 10: Niamgri koila bikotani a•sel samtangtango donggipa biaprangni nosto ong•atako man•ani gimin chanchirimaniko dakengon, Meghalaya High Court, koila donchakgipa biaprangko apjitatna aro nama namgijako ma•ekate donchina gita sal 45-ko ra•dodapataha. Ia ja•ku de•aniara a•doko bang•gija somoirangna skang ia niamgri koila cho•ani bidingo sedoatgipa lekka (PIl No. 2 of 2022)-ko ja•rikani gita ong•a, jean on•gimin ge•etaniko ja•rikani aro chakpaani ong•enga.

Advertisement

Ia tom•aniko, Guwahati High Court-ni gitcham Judge aro Single Member Committee-ni Brojendra Prasad Katakey, ma•ekgimin koilarangko a•jani dingtang dingtang biaprangona apjitatani kamrangko ka•engani gimin talate on•angaha. Ia niamgri koila cho•ani aro iani a•sel Meghalaya a•dokni samtangtango donggipa biaprangni nosto ong•ani bidingo chanchirimna nangchongmotani giminba ua aganangkuaha.

Advertisement
Advertisement

Transport Oversight: District authority-rang koila jitatani kamrang, mongsongbate East Jaintia Hills-ni a•jarango baditana chu•sokaha aro baditana kakket ong•e kamrangko ka•enga ba badita kamrangko ka•na gita nangkuenga uni gimin tale aganangaha.

Coal Seizure and Auction: Rim•a man•gipa koilarangko, dam bate on•giparangna palatna senganiara, adita a•jarango chu•sokaniko mesokani ong•enga, indiba iani gisepon gipin a•dokrango court-ni kamrango ja•manchakani a•sel kamrang dondikatako man•e dongenga.

Advertisement

Alternative Livelihoods: Koila cho•aniko dontongatanichi neng•nikanirangko man•enggipa manderangna, janggi tangna on•gimin scheme-rangko on•a gita rai on•giminko da•ona kingkingba ia manderang man•kujaenga, uni gimin iani bidingo ta•rake ja•ku de•anirangko dakchina ba ge•etaniko on•a nangchongmotani giminba chanchiangaha.

Environment Restoration: Samtangtango donggipa biaprangni nosto ong•aniko taripiltaiani bidingo ru•utengahani gimin, iani bidingo chamgimin tangka paisarangko ta•raken sokatchina aro koila cho•ani a•sel samtangtango donggipa biaprangni nosto ong•ani bidingo manderangna u•iatna nangchongmotani giminba chanchianiko dakangaha.

Drone Surveillance: Koila jitatna skang, committee-ni gita  drone-rangko jakkalenba niamgri koila cho•gipa biaprangko watchanggala dongama dongja uko nina aro donggenchim ong•ode uno niamrangko ra•gatchina nangchongmotani giminba gisiko on•bate aganangaha.

Advertisement

Meghalaya High Court-ni ia nambegipa ja•ku de•anio, Brojendra Prasad Katakey-ni che•em che•em on•gimin ku•pattianirang baksa chakpaaniko on•aniara, Meghalaya a•dokni nosto ong•angenggipa biaprangko taripiltaianio, niamrangko rakkianio aro pangkamgipa ja•ku de•anirangko mesokan baksana da•o ong•enggipa obostarangko nigrikenba, somoio dongmitingon a•dokko nirok simsakna aro a•doko songdong a•chaenggipa manderangko ia niamgri koila cho•anichi neng•nikanirangko man•aoniko chel•chakna gita kamrangko ka•na nangchongmotaniko mesoka.

Na·simang ia video-koba nina man·gen:

Na·simang iakoba poraina man·gen: Arvind Kejriwal-na SC, Interim bail-ko on•a

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020

spot_img

More articles

spot_img
-->

Latest article