Shillong, April 1: Meghalaya-ni Chief Electoral Officer (CEO), BDR Tiwari, re•baenggipa April jani 19 tariko ong•na sienggipa election-ni bidingo tarisamsoani bak gita political party-rang baksa tom•bimonganiko ong•atangaha.
Kobor ra•timgiparangna aganengon, Tiwari, ia tom•bimonganio political party-rangna All India Radio aro Doordarshan-rango somoirangko on•ani gimin talate on•angan baksana, maikai time voucher-rangko man•a amgen uni gimin talate on•angenba Election Commission-ni, a•dokni ra•chakgimin ba a•songni ra•chakgimin political party-rangna apsangrik time voucher-rangko on•anggen ineba u•iatangha.
CEO, ia election-na tarisamsoanirangko dakengon, mikka wachini somoirang sokbaengani gimin aro bang•bata polling station-rangan skulrangosa pu•onchakna tariengani gimin uko mikkango don•e chanchienba, education department, revenue department aro disaster management-rangko dingtang dingtang nangchongmotgipa tarisamsoanirangko dakchina u•iatangaha.
Iani gimin Chief Secretary-ba, dingtang dingtang kamrangko jako ra•e ka•enggipa manderang baksa nipiltaiani tom•aniko ong•atangaha ineba ua u•iataha.
Pu•onani somoio maming dakeba re•ruraanirango champenganiko man•jana aro mikka wagenchim ong•ode uamangna mikka chakna tarisamsoanirang baksana pu•ongipa manderangna nengnikanirangko chagrongjana pilak nangan bosturangko polling station ge•antion donchinaba ua u•iatangkuaha.
2023 bilsini Assembly polls-o ge 3482 polling station-rangoni ge 3512 polling station-rangona baridapaha. Indake ia chango uamangni department-ni manderang urban areao songdong a•chaenggipa chadamberang jemangan vote on•a gisik nangjaengachim uamangko didienba pu•ongipa manderangko bangbate man•a jotton ka•enga ineba aganangaha.
“Election-o dalbatgipa neng•nikanide, songjinmao donggiparangni aro chadamberangni vote pu•onaniko dale ra•gijani a•selan ong•aia. Chinga booth level-oni pu•ongiparangko bariatna adita kamrangko a•bachengataha maina je biaprangon pu•ongiparang komiengachim ia indakgipa biaprango bate bate komibatroroaniko nikna man•enga. Chinga polling station-ni aro a•jani gita pu•ongiparangko baribatatna chanchisamsoanirangko dakenga chongmotan chonchongipa gadangrangoni a•bachenge jekai, Dorbar Snong, skulrang aro social institution-rang baksa chingni bakrime kam ka•anirang chingna namgipa biteko on•enga” ine Tiwari aganangaha.
Indake ong•engon, CEO, Meghalaya a•dok ge•sa tangsekgilgilgipa a•dok ong•ani gimin da•o re•baenggipa election-oba tangsekarigipa pu•onaniko ong•atna ja•ku de•anggen ine tik ka•angaha.
“Da•o bol wa•a ge•anina namgipa somoi ong•engani gimin chinga bang•e bol wa•a ge•anirangko dakatenga jedakode ia re•baenggipa election-ko green election aro gisik ra•na krabegipa ong•atna man•gen. Polling station ge•antion chinga pang 2 ba pang 3 bol bi•sarangko ge•aniko dakanggen aro uan pu•ongchenggiparangoni saksa me•asa aro saksa me•chikni jakchi ge•ataniko dakanggen,” ineba ua agandapangkuaha.
Na·simang ia video-koba nina man·gen:
Na·simang iakoba poraina man·gen: M’laya-ni Alicia Bakor Phanwar, ENBA Gold Award-ko man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
