Shillong, Nov 18: Meghalaya a•dokni Skotong Minister, Conrad K Sangma, da•alo Shillong Ward’s Lake-o ong•atanggipa chang 4-gipa Shillong Literary Festival-ko a•bachengate on•anio, a•doko tourism-ko tang•dobatatna gita sorkari hotel-rang, homestay-rang aro gipin dongtogipa biaprangko rikna tangka gong crore 4-ko koros ka•anggen ine parakataha. Ia program-ko ong•atanio namen mingsingbegipa manderang jekai Shobhaa De aro Padma Shri man•gimin Vikram Seth baksana gipinrangba re•bae bakko ra•angaha.
Cherry Blossom Festival namen chu•soke matchotangaha aro a•doko gipin festival-rangba ong•na mikkang jean a•doko tourism-ko tang•bobatatna gita dakchakani ong•gen.
Ia festival-rang manderangna bang•a namgnirangko on•enga ine aganengon, tourism-ko ra•doan baksana uamango koros ka•aniba ong•a inenba, Sangma aganangaha.
Ia literary festival-ko ong•atani miksonganiara, Meghalaya a•dokni lekka serakgiparangna an•tangtangni changa sapaniko mesokna chol on•ani ong•an baksana a•gilsak gimikni lekka serakgiparang baksa apsan nangrime kam ka•aniko aro chadamberangko poraiani aro seanio gisikko on•china didianiba ong•a.
Tom•anio aganengon, Conrad Sangma, gipin a•songrang baksa toe niatgenchim ong•ode, Meghalaya a•dokan chadambe jelbatgipa ong•ani gimin a•dok sorkari iandakgipa Literary Festival-rangko ong•atenba, chadamberangni neng•nikanirangko agana nang•chongmotani gimin aganangaha.
Skotong Minister, a•dokni namen ning•tubegipa jatni dakbewal rikbewalrangko am•sandie niani aro ripinge rakkiani gamchatani gimin aganangan baksana, a•doko CM’s Scholars Program-ni giminba talatangaha, jean Meghalaya a•dokni dingtang dingtang jatrangni dakbewal rikbewalrangni bidingo lekka segipa sak 50 research scholars ba amsandie nianiko dakgipa manderangna dakchakaniko on•anggen.
Na·simang ia video-koba nina man·gen:
Na·simang iakoba poraina man·gen: Meghalaya aro UN-WFP nangrime PDS-ko namdapatna chanchirimanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
