Guwahati, Aug 9: Bilsi 77-na chalaibaani ja•mano Meghalaya-ni Fruit Wine Industry-ko a•gilsak gimiko niksengnasiaha.
1947 bilsimango, Assam-ni Governor ong•anggipa Sir Akbar Hydari-oniko license man•ani ja•man Captain Harold Douglas Hunt, Mawphlang-o biterangoniko chu tarina a•bachengaha.
Sohiang biteoniko uni tarigipa Mawphlang Cherry Wine aro Cherry brandy, a•song gimikon mingsingako man•aha. Indake 1980 bilsimangni gisepo Captain Hunt-ni siani ja•man ia chu tarianiko dondikatahachim, indake ong•genchimoba ja•mano biteoniko chu tarina gisik nanggipa gipin manderang Sohiang biteoniko chu tariangkuaha aro una agreba gipin biterangonikoba taridapangaha.
![](https://hubnetwork.in/wp-content/uploads/2024/05/WhatsApp-Image-2024-05-06-at-1.24.51-PM-767x1024.jpeg)
“Meghalaya a•doko dingtangmancha chu tarina namnamgipa biterang gnang jekai, Sohiang, Soh-Poh-Khasi aro uandake jolni kri man•gipa biterang bang•en gnang. Khasi aro Garo Hills a•jarango man•gipa biterangko bang•en ma•sie ra•na nangengkugiparangan bang•engkua. Uamangni pale sim•e cha•enggipa biterang jekai Anaros aro Plum-rangban chu tarina namen namgipa biterang ong•a” ine Meghalaya Fruit Wine Ambassador, Priyanka Save aganaha.
Priyanka Save, Maharashtra a•doko bite nanggipa bipangrangko ge•e game cha•na a•bachengdilgipa aro ia biterangko pale sim•e uarangoniko game cha•enggiparangna tangka paisarangko man•a dakchakgipa saksa ong•achim. Da•o ua Himachal Nectars Pvt. Ltd. baksa a•dokni gun gnanggipa ringanirangko tarianiko a•bachengatna miksonge Himachal Pradesh a•dokona re•angskaaha.
![](https://hubnetwork.in/wp-content/uploads/2024/05/WhatsApp-Image-2024-05-20-at-08.31.41-1024x724.jpeg)
Priyanka, Garo Hills a•jao chu tarigipa biaprangona re•roroe Fruit Wine Entrepreneur-rang jemangan, mikkang jao ong•atnasienggipa VinExpo Mumbai 2024-o an•tangtangni chu tarigiminrangko mesokaniko dakanggenchim, uamangko nirokaniko dakenga aro chu tarianio dakchakaniko on•enga.
Meghalaya a•doko biterangoniko chu tarianichi, songdongenggipa manderangni janggi tanganiko tang•doatna, an•tangtangni tarigimin bosturangko bading chiwalanio aro salgro salaram a•dokrangni tarigipa bosturangko jakkalaniko bariatanio, Meghalaya Farmers Empowerment Commission (MFEC) mongsonggipa bakko ra•e kam ka•aha ine Priyanka aganaha.
IHM Shillong-o biterangoniko chu tariani training program-ko ong•atanichi aro incubation centre-rangko on•anichi Meghalaya a•doko biterangoniko chu tarigiparangna bang•a dakchakaniko on•aha aro da•o uamangni biterangoniko tarigipa chu-rang, manderangni nangnikgipa mingsa bostu ong•skaengaha. Uamangni tarigimin chu-rangko National Expo-rango mesokaniko dakangaha aro hotel-rangoba jekai, Guwahati Vivanta hotel-rangoba sachie on•aniko dakenga.
Chu tarina gisiko nanggiparangna aro Indian Wine Industry-ni official-rangna Nashik-o Expo-ko ong•atangaha aro International Wine Exhibition, VinExpo-ko Mumbai aro Delhi-o MFEC-ni gita ong•atangaha.
Indake, chu tarigiparangna training, mentorship aro incubation-rangko on•a gita, First Model Fruit Winery-ko Shillong-ni Hotel Management Catering Technology & Applied Nutrition (IHMCTAN) campus-o MFEC-ni gita a•bachengate on•aha.
Unbaksana, nambatsranggipa churangko tarianio jatni ja•rikrongbaenga gita chu tariani palo, ia chasongni chu tariani chol aro bewalrangko jakkalaniona dingtangatna, Wine Appreciation & Wine Makking Certificate Course-rangkob MFEC ong•atangaha.
“Nashik-ni Grape Wine Capital ong•aha gita Meghalaya a•dokko a•songni Fruit Wine aro Mead Capital ong•atskana miksongenga” ine official saksa aganaha.
Na·simang ia video-koba nina man·gen:
Na·simang iakoba poraina man·gen: Shillong-o AI-ni iMerit company-ko CM kulie on•anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore