Shillong, May 23: Meghalaya a·dokna gital DGP Pa L R Bishnoi IPS-ko a·dokni dakchakgipa skotong Minister Pa Prestone Tynsong-ko May 20 tarik-o grongaha.

A·dokna naljokanina aro chel·chakaniko on·a miksonganio officer-rang baksa gronggrike golpoaha aro Meghalaya police dol chu·gimikan chel·chakaniko on·a raken kamko ka·angkugen ine DGP Pa Bishnoi Hub News-ni kobor ra·timgiparangna aganaha.

Me·chikrang aro bi·sarangna chel·chakanina maikai kam ka·chakatgen ine sing·on, a·dok gimikniko nigopate me·chikrang aro bi·sarangni kosako dosi dakani Shillong songjinmaon bang·bata ine nikna man·a. Unigimin obostarangko niroke kam ka·chakatani chol ramako bikotgen ineba DGP Bishnoi aganaha.

A·dokni manderangna dangdikengon, mande ra·grika gnang aro onatani gnang dolsan ong·e kam ka·rimna ineba DGP Bishnoi police dolskarangko mol·molaha.