Shillong, Dec 7: Health Minister, Ampareen Lyngdoh, batanggimin salrango cha•totman•e nikenba ia chango 108 ambulance service-na dorgasto galaniko name nianiko dakenga aro man•a dipet ta•raken matchotatna kamrangko ka•engaha ine ka•dongataniko on•e aganangaha.
108 tender ba dorgasto galani kamrang matchotna siengaha ine Lyngdoh aganengon, uamang mittam nangchongmotgipa ja•ku de•anirangko dakenba dorgasto galgiparang baksa somoina skang dorgasto galani bidingoba agan-golpogrikanio adita neng•nikanirangkoba nikaha aro iani bidingo department-rang rake kamko ka•enga ineba u•iatanagaha.
Dingtang dingtang dolrangoniko uamang, bid ba nambatgipa damo on•ani lekkao taridapaniko on•a ku•pattianirangko man•soaha, aro iarang pilakkon nigrikate nion ia bid-na on•gimin pilak ku•pattigiparangko nichenggijade matchotna man•jawa ineba ua agandapangaha.
Uamang ia kamrangko matchotatna gita rake kamko ka•engon, ja•ku de•a changantion uamang name ja•ku de•na nangan baksana dorgasto galenggiparangna namgipa aro rongtalgipa aganchakaniko on•a nanggen, ineba Lyngdoh aganangaha.
Na·simang ia video-koba nina man·gen:
Na·simang iakoba poraina man·gen: Gipin a·songrango kam ka·na sikenggipa chadamberangna Skill Lab-rangko kuligen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
