Goalpara, August 11: Kawatte ian a•gilsak gimiko niamgri badingsrukbatgipa buringni matburing ong•a, jean niamgri goe so•otani aro badingsrukanina namen kenchakna nanggipa ong•a.
Salgro Salaram jol, ian India-oni China-ona niamgri kawatterangni bisingkap aro gipin buringni matburingrangko badingsrukatna namen altubatgipa rama ong•a.
Meghalaya a•dokoni badingsrukgipa dolrang Goalpara jolo kawatte-ni bisingkapko badingsrukna tarisamsoenga ine ka•dongna man•gipa koborrangko man•soenba, Forest Official-rang ua biapona dariangaha, jeon authority-ni manderang chong•motan Rangjuli Forest Office-ni dolrang Daranggiri-ni ramasamo donggipa dokano sak 4 badingsrukgipa dolrangni kawatteni bisingkap-ko hajal 20-na badingatna jotton ka•mitingko rim•enba kawatteni bisingkaprangkoba rim•aha.
Rim•a man•gipa kawatte bisingkap-ni jreani kg 1 mangni gita ong•achim, jeni dam-an komibewaloba lakh 1.5 mangni gita ong•gen inenba Rangjuli Forest-ni Dharmendra Das aganangaha.
Rim•a man•gipa manderangara, Meghalaya a•dokni ning•o donggipa Kharkutta-ni Jindas Momin, Benarson Momin, Kilen Sangma aro Cabisto Momin ong•a. Ia rim•a man•gipa manderangni kosako forest department-ni gita badi ka•aniko dakan baksana sing•sandianirangkoba a•bachengataha.
Na·simang ia video-koba nina man·gen:
Na·simang iakoba poraina man·gen: Aug 14 tariko Tura-oni Shillong/Guwahati salruragipa garirang dongjawa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
