Guwahati, Sep 6: Meghalaya a•dokni ge•sa mingsingbegipa bol ja•diloni ong•bagipa gadanggni dakgipa jal•ang jekon Double Decker Living Root Bridge ineba u•itokachim, iani sepangoniko e•ching dakgipa rokomgni pulko man•aha.
Ia rokomgni pulrangko “dancing girls” ine bimung mingani miksonganiara, ballerina chrokgipa me•chikrang gita sko choknoke jakko ra•doe chrokenga gita chacha nikani gimin ong•achim aro indake iani nina namen nitoaniara botanist-rangko namen miknapataha.
Battanggimin 2022 bilsio, August aro September jarango Meghalaya a•dokona Indian Institute of Science Education and Research Bhopal-oni sakgni am•sandianiko dakgiparang chong•motan, Vinita Gowda aro Ritu Yadav, fieldwork-na re•baani somoio a•dokni East Khasi Hills a•jaoniko rokkomgni gital Globba L. species ba Globba L rokomrang chong•motan Globba tyrnaesis aro Globba janakiae-ko am•sandie man•aha.
Globba, ian e•chingni rokom dakgipa pul (Zingiberaceae) ong•a jekon bimang chonna aro ripok ba uandakgipa bimang gita dake bibal balanina namen mingsinggipa ong•a. Ia sambolrang ba pulni rokkomrangko mongsongbate mikka waronggipa aro buring bolgrimarigipa biaprang jekai Southeast Asia, India aro Eastern Himalaya a•brirango nikrongbata.
Globba tyrnaesis-koba East Khasi Hills a•jani Cherrapunji (Sohra)-o donggipa namen mingsingbegipa gadanggni dakgipa bol ja•diloni ong•bagipa jal•ang sambao donggipa, Tyrna songo 730 mangni chugipa dareoniko nikna gita man•aha, iana agreba Cherrapunji-ni Thangkharang-ni samjajoloba ia pulrangko adita nikna gita man•a.
Ia jolo dingtangmancha sin•a ding•anirang aro mikkarang jimbee waani a•sel Globba tyrnaesis-rang chana gita nambegipa biap ong•an baksana ia bibalrango bijarangba ma•dimna gita bilbaronga.
Ia Globba tyrnaesis-ko Meghalaya a•doko damgni biaprangon square meter 400 mangni gita biaprango jelbra jelsruanina da•o dipet mingsingenga. Banggija biaprangosan ia pulrang dongaiani gimin International Union for Conservation of Nature (IUCN)-ni u•iatani gitade ian ripingna nangenggipa rokomsa pul ong•enga. Ia pulni rokomrang uano songdongenggipa manderangchi nosto ong•atako man•aniko chagrongengon, ia pulrang gimajana gita ripingna nangchongmotgipaba ong•enga.
Globba janakiae-koba gadanggni dakgipa bol ja•diloni ong•bagipa jal•ang sambao donggipa Tyrna songonikon man•aha, jekon Globba tyrnaesis-ni donggipa biapon nikna man•a, indiba iani gimin bang•gija manderangsan u•itokaia.
Dr. E. K. Janaki Ammal-ko mande ra•ani gita uni bimungchi ia pulko bimung minganiko dakangaha, ua saksa jat baseani, me•a aro me•chik mikkang niteani kosako ra•bianiko dakdilchenganiko dakgipaba ong•achim. Development project-rangko ra•bana gita bol wa•arangko den•ani kosakoba ua raken jegalaniko dakan baksana a•songni sam bolrangko ripinganina chakpagipaba ong•achim.
Na·simang ia video-koba nina man·gen:
Na·simang iakoba poraina man·gen: Rabha Hasong Autonomous Council-ni CEM, RHAC fund-rangchi taridaptaigipa kamrangko oprake on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
