Shillong, May 3: Bristibar salo, Meghalaya-ni Power Minister Abu Taher Mondal, Meghalaya Power Generation Corporation Ltd (MePGCL)-ni Director R Majaw baksana MePGCL-ni gipin a•gipibatgipa engineer-rang baksa Myntdu Leshka Hydro Project-ko re•enge nianiko dakangaha.
Ianona re•angani miksonganiara, da•o karen bikotani kamrang baditana matchotaha aro iako chalaiani badita neng•nikanirangko man•enga iani bidingo agangolpogrikan baksana, skanggipa unit-ko da•o taripiltaienggipani bidingoba agangolpogrikaniko dakangaha, jekon, 2024 bilsini June 15 tariko a•bachengpiltaina ka•dongsoenga.
Ia nipiltaianiko dakani somoio mingsa mongsonggipa neng•nikani giminba chanchirimaniko dakangaha ian Power House-o mobile network namgijani gimin ong•achim. Iani bidingo, repeater communication system VHF set-rangko on•china gitaba janapangaha, jedakode, Dam rikgipa biap aro Power House-ni gisepgriko nangan salo altuae kobor ra•grikna gita man•gen, ineba nengnikanirangko olgrokatna gita chanchirimaniko dakangaha.
Abu Taher Mondal, ia cholko ra•enba Dam rikgipa biapkoba nipakbajolan baksana Dam-ko taridapani aro namdapatani kamrangkoba nijolaniko dakangaha. Ia project-ko M/s Multi Tech Engineers-na kakket ong•e matchote ka•china gita pakwate on•e, uamangni changa sapani baksana namgipa bosturangko jakkalna nangani gamchatani giminba ua u•iatangaha.
Ian Meghalaya sorkarini, ia ka•dongna man•gipa karen bikotanirangko tarianiara uamangni kamo kakket ong•aniko mesokan baksana indake power minister-ni ia Myntdu Leshka Hydro Project-ko nina re•baaniara, ia project-ko mongsonggipa ong•e ra•an baksana maming neng•nikani gri a•bachengatpiltaina kamrangko krenge ka•aniko mesoka.
Na·simang ia video-koba nina man·gen:
Na·simang iakoba poraina man·gen: Sepahijala Zoo-ni matburingrangko naljoke rakkina ja•ku de•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
