Shillong, April 24: Bristibar salo Meghalaya a·dokni Skotong Minister Conrad K Sangma, online gita sal 2-ni Tech Workshop-ko a·bachengate on·angaha. Sorkarini dangdike on·anirang, jinmana on·enggipa namgnirang aro a·doko rika cho·ani kamrangko namdapatna gital technology-rangko jakkalanina gisikko on·bate IT Department aro National e-Governance Division (NeGD), ia workshop-ko ong·atangaha.
Uni jinmana aganprakatengon, da·oni chasong-o online gita kam ka•ani e-proposal aro file-rangko watna man·aniara kamrangko namen nengrabatataha, maina da·ode jechi dongenchimoba phone-on pilak kamrangkon namnike ra·chakna gitaba man·aiaha ine Sangma u·iatangaha. Uasan ong·aigija ua gital chanchisamsoanirang jekai police kam ka·giparangoni a·bachenge sorkarini ning·o kam ka·giparangko chalaiani gimin see rakkina blockchain-rangko jakkalani, chirangko nirokna gita ge 70,000 IoT sensor spring-rangko donani baksana strawberries aro lettuce-rangko ge·na gita robot aro AI-rangko jakkalani aro tourism-ko an·saobatatna gita virtual reality-rangko jakkalna chanchisamsoanirangkoba ua janapataha.
Technology ko jakale, janggi tanganio man·enggipa chong·mot neng·nikanirangko olgrokatan baksana ning·tugipa biaprango donggipa manderangna dakchakaniko on·a nanga ine Sangma u·iatangaha. India-ni Salgro Salaram jolrango donggipa a·dokrangoni Meghalaya a·dokko ua mongsonggipa IT Hub ong·atna nangnikenga. Una agreba, ua Shillong Tech Park-ko dal·bate tariani, five star hotel-rangko rikani, 2026 bilsio airport-rangko dal·dapatani baksana fiber-optic cable-rangko jakkale internet-rangko namdapatna miksonganirangkoba ua janapangaha.
Chief Secretary D. P. Wahlang, ia sorkari technology ko jakale gitcham lekkani file-rangko ra·galskaenba online system-ko ra·baenba sorkarini kamrangko ta·rakbatatan baksana rongtalbatataha ine aganangaha. Uasan ong·aigija, ua koela bikotani, buringrang aro tourism-na biaprangko sandina dakchakgipa a·dokni Drone Technology Lab-ni gimin aganangan baksana, jolo agangipa Khasi aro A·chikkurangko Bhashini language app-o on·dapgnok ineba parakataha.
Ia workshop-o online gita bak ra·gipa, NeGD-ni President aro CEO Nand Kumaram, dake nienggipa project-rangko chu·gimikgipa program-ona bimang ong·atchina sorkarini department-ko aganangaha. Bang·bata start-up aro university-rang baksa uamang kamrangko ka·na nangenga ineba ua janapataha. Technology-rangko brena aro jakkalna gita nambata chanchisamsoanirang baksana seng·batgipa cholrangko nangchongmotani bidingoba ua aganangkuaha.
Ia workshop-o AI, blockchain, cybersecurity, aro digital system-ni bidingo chanchirimaniko dakangaha aro iarang pilakan Meghalaya-ni “Digital Meghalaya” plan aro a·songni program-rang jekai Digital India aro IndiaAI-ni bak gita ong·a.
Na·simang ia video-koba nina man·gen:
Na·simang iakoba poraina man·gen: Pahalgam-o dos gri manderangko bobil dolrangni so·otanina Assam Minority Department jegala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
