Shillong, Dec 1: Shillong-ni HID Foundation, songadamrango dongenggipa manderangni janggi tangani gadangko tang•dobatatna miksonganio, Meghalaya a•dokko holdi ge•anio mongsongbatgipa a•dok ong•atna ja•ku de•aniko dakangaha.
Initiative for Sustainable Livelihoods Promotion Programme (ISLPP)-ni bak gita, Shillong-ni HID Foundation, gitcham bewalo maming sam jakkala gri gama ge•ani bewalko ra•bapiltaina aro songo janggi tangenggipa manderangni janggi tanganiko ra•doba miksonganio, Organic Turmeric Project-ko 2023 bilsini May jao Ri-Bhoi a•jani, Umling C&RD Block-ni Marnagr-Umden Cluster-o a•bachengataha.
Ministry of Development of North Eastern Region (MDoNER)-ni ning•o North Eastern Council (NEC)-ni tangka paisani gita dakchakaniko man•enggipa aro Meghalaya sorkarini Directorate of Horticulture-ni ong•atgipa ia project-ni gita namgipa kamrangko nikna gita man•engaha. Ri-Bhoi-ni District Horticulture Officer-ni science-ni gita changa sapani gnang dilanichi sak 100 game ge•e cha•giparangna namgniko sokatna man•enba, sak 1,000 game ge•e cha•gipa nokdangrangonaba namgniko sokatna man•aha.
Game ge•e chagiparang ia project-ni gita chu•gimik tangka paisani gita dakchakaniko man•a baksana ge•ani bosturang, a•salrang aro pangkamgipa holdi ge•anio chu•gimik gisikko on•china gita salni hajirako man•chape tangka paisarangko on•angaha. Iani skanggipa phase matchotman•aha aro 2-gipa phase 75%-ni gita gapaha.
Covid-19 sajinmani a•sel tangka paisani gita noksan ong•aniko namatpilna dakchakaniko on•a, low-quality turmeric seed ba holdi bitchilni gun komiani a•sel neng•nikanirangko komiatna ia project miksongenga. Science-ko jakkale holdi ge•anirangchi ia game ge•e cha•giparangna pangkamgipa tangka paisa kamaiani cholko on•a ka•dongsoenga.
Ia project-ara game ge•e cha•ani giminsan ong•aija indiba ian ka•dongani aro dakna amani bilni giminba ong•a, inenba HID Foundation-ni gita u•iatan baksana, songo noko janggi tangani gadangko aro game ge•e cha•giparangko ra•dona dakchakpaaniko on•ahanina India sorkari aro NEC-ko demittele aganangaha.
Ia project, Meghalaya a•dokko holdi ge•anio mongsonggipa a•dok ong•atna dakchakan baksana, sak hajalni hajal game ge•e cha•giparangna gital ka•donganikoba ra•baaha.
Na·simang ia video-koba nina man·gen:
Na·simang iakoba poraina man·gen: USTM-ni Founder’s Day-ko maniani bak gita OneNorthEast Music Fest-ko ong·ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
