Shillong, Mar 7: Meghalaya a•dokni Skotong Minister Conrad K Sangma, a•doko mongsongbate health sector-ko sorkarini gita gamchatbate ra•enga jenan, 8 per cent mangni gita chu•gimik budget-ko chamataha inenba aganaha.
“Health sector-ko mangrakbatatna gita a•songo bang•bate chamatgipa budget de Health Department-na ong•a” ine Conrad Sangma aganaha.
Indake, ia health sector-o dingtang dingtang dakna nanggni kamrangko dakangaha aro ian namen neng•begipa kam ong•genchimoba aro bang•a champenganirang donggenchimoba, chingni dakna nanggipa kam ong•ani gimin chu•sokataha aro a•dok gimiko nambata sanna bannaniko on•a man•a gita jotton ka•angkugen ineba ua janapataha.
Unbaksana, a•dokni pilak sanna bananiko on•enggipa doctor aro nurse-rangna aro gipin sorkarini kamko ka•enggiparangna dongchakani nokrangkoba rikengaha, jedakode, a•dokni ning•tugipa biaprangoba sorkarini kamko ka•enggipa manderangna nambata gadango kamrangko ka•chakna gita nokkoba on•a man•gen ineba ua agandapataha.
Una agreba, adita bilsirangni jamanon a•dok gimikni PHC, CHC aro hospital-rangko taridapgnok ine aganan baksa, re•baenggipa antini gisepon, dingtang dingtang healthcare institution-rango sanna bananiko ra•enggiparangna management system-koba a•doko a•bachengate on•gnk ine ua aganaha.
Na·simang iakoba poraie nina man·gen: Chirangko ripinge rakkina gong cr 8000-ko koros ka•enga: CM
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
