Shillong, Feb 12: Justice (retired) BP Katakey-chi dilenggipa committee, Meghalaya a•doko niamgri koela bikotaniko bon•atna gita drone surveillance ba drone-ko jakkale am•sandianiko dakchina gita didiataha. Meghalaya High Court-ni chang 27-gipa interim report-o, re•e nina man•gijagipa biaprang jeon niamgri koela bikotanirangko dakrongachim ua biaprango drone-rangko jakkale nirokaniko dakchina gita panel-rang janapataha.
Antisani gisepo iandakgipa biaprangko sandienba drone jakkale nirokaniko dakjringchina gitaba Committee didiataha. Una agreba, Deputy Superintendent of Police-ni dilanichi dingtangmancha police dolko bikotenba, drone-chi kam ka•anirangko nirokani, ja 6-na kingking drone-o man•gipa jawilwatrangko rakkiani aro nirok sandianio nika ba u•ianirangko antiprak aro antigniprakni report-rang baksana mai ja•ku de•anirangko dakahachim uarangni report-rangko on•china gitaba u•iataha.
Report-ni gitade, niamgri koela bikotaniko bon•atnade daito-ko jako rake nirok sandianiko dakna nangchongmotani ong•enga.
Director General of Police (DGP) ba a•gipibatgipa officer, niam pe•ani kamrangko nirokaniko dakna gita drone surveillance-ko bariatna aro Drone Control Room-rangko name jakkalchina gita police official-rangna ge•etaniko on•china committee u•iataha.
DGP, ia control room-rangara name kamrang ka•ama ka•jaenga uni gimin, Chief Secretary-na report-rangko on•a gita nanggen. Jedakode ia report-o pangchake, Chief Secretary ba a•gipibatgipa officer-rang nirokanirangko namdapatna gita u•iatanirangko on•a gita man•gen.
Uasan ong•aigija, committee-ni gita a•ja gimikon police-rangni re•roroe nirok sandianiko dakjringna nangchongmotani giminba u•iatan baksana re•e nina gita man•gijagipa biaprango drone-rangko jakkalskachina janapataha.
A•jao donggipa police station ge•antikon, Superintendent of Police (SP)-rangna antigni prako report-rangko on•china gita ge•etaniko on•ataha. SP-rang ia report-rangko apsan chaprimenba, Police Headquarter-rang aro Mining & Geology Department-rangna watatskagen. Ia kamrangko ka•anio sepangjolo donggipa a•jarangni police dolrangba dakchakpaaniko on•a gita nanggen ineba committee ge•etaniko on•angaha. Drone-chi sandie man•gimin biaprangko poraie nianiko dakenba koela chimonggipa songrangko am•china official-rangna ge•etanikoba on•angaha. Mining & Geology Department aro MBDA-rang, u•igipa dolrangni dakchakaniko ra•e sal 15-ni gisepo jolo badita mancha koelarang dongachim uni report-rangko on•ena gita nangskagen.
Committee-ni gita, North East Space Application Centre (NESAC)-ko drone survey-ni data-rangko name mesoke on•china ge•etaniko on•ata baksana, Garuda UAV Soft Solution Pvt. Ltd-ko mongsonggipa a•jarang jekai East Jaintia Hills, West Jaintia Hills, South Garo Hills aro West Khasi Hills a•jarango aerial survey-rangko matchotatchina aro 2025 bilsini February 28 tariko badita mancha koelarang donga uni bon•kamgipa report-ko on•china gitaba u•iataha.
South West Khasi Hills-na agre, 1957 MMDR Act-ni ning•o rim•a man•gimin koelarangko cha•uani ba gimaanirangko champengna gita ta•raken biap damsano chimongna manchigimin biapona apjitatchina gitaba janapataha. Ia ja•ku de•aniara niamgri koela bikotaniko bon•atan baksana koela cha•uaniko champengna miksonganio ong•a.
Rim•gimin koelarangko ta•raken palanirangko a•bachengatna gitaba Committee didiataha aro bregiparang bebegita tangka gamna ba koelarangko somoi gita ra•ena man•jaode, re-auctioned ba komia damo paltaina gitaba ge•etataha.
Bregipa darangba tangka gamna ba koelarangko ra•enaba somoi on•dapanirangko man•jawa aro je gamna nanganirangko gamchengesa koelarangko ra•na gita man•gen.
Koela bregiparang tangka gamja ba uamangni koelarangko somoi gita ra•eja ong•ode, uamang an•tangtangni on•gimin tangkarangko gimaatan baksana Coal India Limited (CIL)-ni gita koelarangkoba palataigen ine u•iataha. Ia ja•ku de•anirangko dakanichi kamrangko ta•rakbatatna dakchakan baksana tangka gamgija dongenggiparangkoba man•pilna dakchakgen.
Na·simang ia video-koba nina man·gen:
Na·simang iakoba poraina man·gen: Sak 30,000 manderangoniko SBS tenant verification fee-ko man•soa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
