New Delhi, Jan 21: Prime Minister Narendra Modi aro Chief Minister Conrad, Meghalaya a·dokko man·ani sal sokpinggrikanio gisik ka·tongni gita nama sikaniko on·ataha.
“Da·alo Meghalayani aiao inmanpilni jatni dakbewal rikbewalrangna aro manderangni chu·sokanirangna kusi ong·e maniani sal ong·a. Meghalaya mikkangchi chubata gadangona tang·dororoangchina,” Prime Minister X-o seataha.
Chief Minister Conrad Sangma seatskaaha: “Meghalaya a·dokko man·ani chang 52ko maniani salo anga ia nitobegipa a·dokni manderangna nama sikaniko on·a. Ian an·chingni miksonganirangko, an·chingni mongsong ong·e ra·anirangko aro an·chingni pagitchamrangni kamrangko gisik ra·atpilgipa sal ong·china, aro a·dokni tom·tomani aro namroro-silrorognina ku·cholsan re·mikkangna an·chingko didichina. Katchan’ Meghalaya Sal!”
Sonibar salon chang 52gipa Meghalaya Salko Turani District Auditoriumo katchabee manisoaha. Meghalayani Governor Phagu Chauhan-ba ia gisik ra·gnigipa salo a·dokni manderangna nama sikaniko on·ataha.
Indira Gandhini Prime Minister ong·mitingo Hill State Movementna ja·ku de·on, 1972 bilsini January 21 tariko Assam a·dokoniko bak ka·e Meghalaya a·dokko ong·ataha. Ia sal ma·ambini gita gisik ra·gniko manianisan ong·aija, indiba a·doko songpanggipa manderangni rasong chagni salba ong·a.
