Agartala, Dec 23: Robibar salo, Union Home Minister, Amit Shah, a•doko chel•chakaniko mangrakbatatna ja•ku de•ani bak gita Agartala-o Central Detective Training Institute (CDTI)-na pangchakani ro•ongko songe on•angaha.
Bureau of Police Research and Development-ni gita dam 6 a•dokrang aro sepangjolo donggipa a•songrango chel•chakaniko namdapatna aro mangrakbatatna gita tangka gong kror 120-chi ia CDTI-ko rikanggen.
Shillong songjinmao, North Eastern Council (NEC)-ni chang 69-gipa Plenary Session-ko ong•atamitting somoio, Salgro Salaram jolo donggipa a•dokrangni dingtangmancha sima ari-ko chel•chakanio neng•nikanirangko man•ani bidingo poraie u•ie ra•na man•a gita poraichakram biaprango apsan nangrimenba research center-ko a•bachengate on•china gita janapataha.
Dhalai a•jani, Kulai Reserve Forest-o ong•atgipa tom•anio, Home Minister, Amit Shah, CDTI-ko man•chape chu•gimik tangka gong kror 668.39-ni namdapatani project-rangko a•bachengate on•angaha.
Agartala-o rikenggipa ia institute, chasong gitalni namgnirang jekai simulation lab-rang, IT center-rang aro practical training biaprangko jakkale sak 6,000 personnel-rangna skie on•anggen. Police dolrangni changa sapani aro sima ari jolo chel•chakanio neng•nikanirangko man•ani bidjngo a•songgipinni chel•chakgipa dolrang baksa apsan bakrime kam ka•aniko ra•dona miksonganio ia institute-ko ra•baenga.
Ia institute, Salgro Salaram jolo donggipa a•dokrangna chel•chakaniko mangrakbatatan baksana mikkangchi neng•nikanirangna tarisamsona gita dakchakgen inenba, official saksa u•iatangaha.
Na·simang ia video-koba nina man·gen:
Na·simang iakoba poraina man·gen: Kuki me•chikrangni kosako ka•enggipa kamrangko nie dongenga ine NCW-ni kosako KWOHR matnangata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
