Shillong, April 1: Mongolbar salo, Excise-ni Minister in-charge Kyrmen Shylla, department-ni gita licence on·ani bewal ba niamrangko nambatatna gita chu palgipa dokkan aro chu chimongchakram biaprangna licence-rang on·aniko dikdiksana dontongataha ine parakataha. Shylla-ni u·itani gitade, chu palgipa dokkanrang agre bang·dugaani a·sel churangko bang·e palna gita man·jaenga ine chu palgipa dokkan gitchamni nokgiparangni badi ka·a jaman iako dakna tik ka·angaha.

Authority-rang badia badia biaprango chu dokkanrangko nangenga ua biaprangko am·sandianirangko dakenga ineba ua janapatan baksana songni manderangni namnika namnikgijaniko nigrike songni nokma chu dokkanko dakna on·a ong·osa licence-rangko on·a gita man·gen ineba ua janapangaha. Skul nokrang aro olakkichakram biap sambarango chu dokkanrang dongama dongja uarangkoba a·dok sorkari nipiltaianirangkoba dakanggen ineba ua janapataha.

Chu palenggipa gitcham dokkanrang ong·rongbewal gitan pala simmaniko dakangna gita man·engon, dokkan nokgiparang biap jitna nangnika ong·ode mol·molaniko dakna gitaba man·gen. District level-ni official-rang salanti biaprangona re·ange nirokanirangko dakenga ineba ua u·iatangaha.

Na·simang ia video-koba nina man·gen: 

Na·simang iakoba poraina man·gen: TERI-ni padot, jolo man·gipa mia misirangko ripingan baksana pangkamgipa game ge·e cha·aniko ra·dochina didiata

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub