Shillong, Feb 23: Meghalaya Home (Police) incharge Deputy Chief Minister, Prestone Tynsong, a•dok ning•o Anti-Dacoity Camp-rangko rikanirang komibeani gimin, police station aro police Outpost-rangko bilakdapatna man•a gita, Police Outpost-rangko rikdapna a•dok sorkari mangsongenga inenba, Bristibar salo parakataha.
Indake Assembly-o sing•anirangna aganchakengon, a•dok ning•o man•a dipet ain aro niamo pangchake chalaina man•a gita dingtang dingtang police station-rangna, bol 140 chakka ronggnigipa garirangko aro bol 80 bolero garirangko chamataha ineba Tynsong aganataha.
Anti-Dacoity Camp-rangna sorkarini gita dingtangmancha chamatanirang dongjagenchimoba, Garo Hills a•jao ong•enggipa obostarangko nikenba, ia dokprete ra•anirangko aro bobil dakgipa dolrangni batroroaniko komiatna temporary camp-rangko rikna nangenga inenba Home Police Department nangnikaha ineba ua agandapataha.
Indake, Mitegittim-o AD Camp-ko rikna chanchianiko dakengkua ine Deputy Chief Minister-ni aganchakengon, Kharkutta-ni MLA, Rupert Momin, uni aganchakaniko ka•dingsmitachi ra•chakan baksa, Mitegittim namen ning•tubegipa song ong•a jeon, antiosan bazaar cha•ronga. Indake ong•genchimoba, bang•a dokprete ba ra•seke ra•draanirangba ong•rongbata. Uni gimin, iandakgipa a•selrangoniko chelchaksona man•a gita, ua biapo AD Camp-ko rikna nangchongmotenga inenba Momin aganaha.
Na·simang ia videokoba nina man·gen:
Na·simang iakoba poraie nina man·gen: Airports Authority of India, gitalgipa taxiway aro gari neng•takate donchakram biapko oprake on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
