Shillong, Sept 23: Shillong Airport-ko apalbatatna gita a•arangko cho•anina ra•gatgimin mittam niamrangko watchina gita ma•mong sorkario bi•anggen ine a•dok sorkari tik ka•angaha. Shillong Airport-o dal•dalgipa sildorengrangko bilonchakna biaprang chu•ongna gita nangdapengipa acre 22 a•arangni bidingo, state cabinet a•songrime chanchirimanikoba dakanggen inenba, Deputy Chief Minister Sniawbhalang Dhar, Shillong Airport-ko re•ange nia jaman u•iatangan baksanaba, Civil Aviation Ministry aro Airport Authority baksa Chief Secretary, Commissioner & Secretary aro transport department-ni Official-rangni dongpaanio tom•anikoba ong•atangaha.
A•dok sorkari airport-ko apalbatatani bidingo namen gisiko nangbee kamrangko ka•enga, ineba Dhar, tom•ani matchota jaman kobor ra•timgiparangna u•iatangaha.
Airport Authority of India (AAI)-oniko 2-gipa report-ko man•soani gitade, airport-ni runway ba sildorengko bilchakatna gita ramarangko apalbatataniko man•a ka•dongsoenga indiba adita neng•nikanirangba donga jekon ma•mong sorkari baksa agan-golpogrikanirangko dakna gita nanggen ineba ua agandapangkuaha.
Gamna nanganirangko watchanggalja ong•ode gamna nanganirang bang•enba a•dok sorkarini neng•nikanirangko man•gen, indiba gamna nanganirangko dakna nangja ong•ode bangija bilsirangni gisepon airport-ko apalbatatna gita man•gnok ineba ua aganangaha.
Chanchichamsoani gitade, AAI-ni gita crore 500 mangna komie ba bateba tangka paisarangko jakkalanggen aro a•arangko ra•ani damrangkode a•dok sorkari koros ka•aniko dakanggen, ineba Dhar parakataha.
Ia pilak miksonganirang chu•soka ong•ode, ia airport-ko salang walang konta 24-na chalaianiko dakna man•an baksana sak 300-400 manderangnaba janggi tangani cholrangko ra•bana man•gnok inenba ua u•iatangkuaha.
Na·simang ia video-koba nina man·gen:
Na·simang iakoba poraina man·gen: W’nagar-o Art & Culture Workshop-ko a·bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
