Shillong, April 26: COVID-19 sajinmani a•sel adita bilsirangna dontongatani ja•man, Meghalaya State Football League (MSL)-ko Budbar salo, Meghalaya Football Association (MFA), Shillong songjinmani State Convention Centre-o a•bachengattaiaha.
Ia MSL-ko bakbri dake, chong•motan Shillong, Jowai, Mawkyrwat aro Tura zone dake ong•atna tournament committee tik ka•angaha aro ia chang MSL-o gimik dol 25 robol kal•giparang bakko ra•angna sienga.
Skanggipa kal•aniko re•baenggipa May-ni 12 tariko, 7 Wasa United aro Rangdajied United FC dolrang, Jowai-o kal•anggen ine kobor on•timgiparang u•iataha.
Iakoba poraie nina man·gen: A·dokni songadambatgipa biaprangchina samrangko sokatna a·dok sorkari, drone-rangko jakkalenga
Shillong zone-o kal•na sienggipa dolrangara, Mawlai SC, Umrit SC, Umkseh SC, Jyntru, Seng Samla Laitrynge aro Langsning SC ong•enga aro Jowai zone-o kal•enggipa dolrangara, 7 Wasa United, Ladthadlaboh SC, Youth Club Pdengkarong, Rangdajied FC, SeinPynbhalang SC, Rymbai Iawpynsing SC aro Mulait United FC dolrang ong•skaenga.
Mawkyrwat zone-o kal•na sienggipa dolrangara, Pyndengrei SC, Shillong Lajong FC, Seven United SC, Mawten SC, Riangdo YSCA and Lumdiengngan SC ong•enga aro bon•kame Tura zone-o kal•na sienggipa dolrangara, Chipakkore FC, Selsella Sports Association aro Atong Matgrik FC dolrang ong•skaenga ine kobor on•aha.
Iakoba poraie nina man·gen: Rama tarigipa company-rang Kanai-Mahadeo chibimarangko nisigalenga
