Shillong, Oct 18: ‘Meghalayan Age’ era ba chasongni bidingo manderangna u•iatna gita sorkari, dingtangmancha chanchie program-ko a•bachengatgen ine Sukrobar salo, a•dokni Chief Minister Conrad K Sangma parakataha.
Sukrobar salo, CM-Elevate aro FOCUS-ni bidingo dingtangmancha agan-chanchirimani program-ko Shillong-o ong•atanio iako Chief Minister, jinmana parakataha. Ia program-ko ong•atanio dingtang dingtang a•ja aro block-rangba internet gita bak ra•angtokaha.
‘Meghalayan Age’-ni bidingo a•gilsak gimikon geologist-rang chanchirimtokenga ine janapatengon, iani bidingo manderangba skie ra•na man•ode nambatgen ine Chief Minister aganaha.
Batanggimin bilsi 4200-ko Meghalayan Age dake bak ka•manahani gimin ia chasongara a•gilsakni itihaso namen dingtangmanchagipa ong•aha.
Ia Meghalayan Age-ni bidingo manderangna u•iatna gita dingtangmancha documentary film-ko tarina gitaba Chief Minister ku•pattianiko on•angaha.
Indake ong•engon, ia program-ko ong•atanio, FOCUS aro FOCUS plus-ni namgniko man•enggipa manderangna on•enggipa tangka paisarangara, loan ong•ja indiba sorkarini on•enggipa grant aro subsidy-rangsa ong•a ine Chief Minister talataniko on•angaha.
Loan-ni bako ga•akgipa dingtang dingtang scheme-rang jekai CM-Elevate aro uandakgipa scheme-rangni gimin talataniko on•angskaengon, ia CM-Elevate scheme-ni ning•o chu•gimik korosoni 70 percent-ona kingking sorkarini gita dakchake on•ani donga ine Chief Minister parakataha.
Ia program-ko ong•atanio FOCUS scheme aro CM-Elevate-ni cheque-rangkoba, ia scheme-ni namgniko man•enggipa manderangna suale on•angjolaha.
CM-Elevate-ni ning•o sanction ka•gipa tourism-ni garirangkoba ia program-o a•dokni Chief Minister baksana Agriculture Minister Ampareen Lyngdoh aro Animal Husbandry & Veterinary Minister AL Hek, pakwate on•angjolaha.
Na·simang ia video-koba nina man·gen:
Na·simang iakoba poraina man·gen: EGH-o salgnina ong•atanggipa Youth Exchange Program name matchotanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
