Shillong, March 7: Rama sorokrango gari changketani mongsonggipa a·selara schoolona bi·sarangko salanggipa garirang bang·roroanian ong·a. Uni gisepon schoolrangna busrangko on·oba bang·batan garitangtangosa bi·sarangko salangtoka,
School bus watanio ka·dongchakna man·e bi·satangtangko school buso watatchina gita Shillongo donggiparangko Education Minister Rakkam A Sangma didie aganaha.
“Somoi dongode anga angni demechikni poraia aro skie ra·anirangko nirokenga. Pringode anga demechikko Wards Lake sambani bus gadoramona salange donea. Attamode ua school buson re·bapilenga” ine Rakkam A Sangma aganaha.
Education Ministerni aganani gitade, school busrango kenchakani ggrian ka·dongchakna man·a. Uarango tracking system dongani gimin gari badia biapo ong·enga ba banona sokaha nirorona man·aia, maina school busrango GPS donga.
Rakkam A Sangmani aganani gitade, rama sorokrango gari changketaniko namatani chol mingsa ine school busrangko on·aha. Uni gimin, ma·a parang uano ka·dongchake uamangni bi·sarangko school busrango watode rama sorok changketaniko chel·atna dakchakani ong·gen ine ua aganaha.
Ia video-koba nina man·gen:
Na·simang iakoba poraie nina man·gen: Chirangko ripinge rakkina gong cr 8000-ko koros ka•enga: CM
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
