Tura, Dec 7: Tura-oni 30 km-mang chelao donggipa Jengjalo-o ong•atgnigipa Me•gong Festival-ni skanggipa salo doka dam•aniko ong•ataniko, mikkarang dondikpilgija waani a•selo Sukrobar salona ra•doataha.

Indake ong•genchimoba, Bristibar attamoni, pilak dokan dakgiparang aro gipin ong•atanirangko manderangna kuliangaha aro a•bachengatangaha.

Indake skanggipa salo, Rock band, Parikrama dolni doka dam•aniko pilakan nisengsogenchimoba, Bristibar pringonin dondikpilgija mikkarang waani a•selo attamo ong•atgnigipa doka damaniko aro concert-ko gipin salona ra•doatna nangao ga•akaha.

“Pilak doka dam•anirangko Sukrobar salo dakangskagen, aro gipin ong•atgnirangko Bristibar attamonin a•bachengatangaha” ine West Garo Hills a•jani Deputy Commissioner, Jagdish Chelani Hub News baksa agangrikengon parakataha.

Indake, ia manianiko a•bachengatani attamo, dondikpilgija mikkarang waani a•selo ong•atchakram biapona re•bagipa manderang komibeachim ine nikna gita man•aha.

Iakoba poraie nina man·gen: Meghalaya Games-na tarisoanirangko GTCC nipila