Tura, Dec 7: MSOA-ni Working President aro GTCC-ni Chairman John F Kharshiingni dilanio Games Technical Conduct Committee (GTCC) Meghalaya Games-na tarisoanirangni bidingo tom·e chanchirimaha.

5gipa Meghalaya Games-na tarisoanirangko da·al Budbar salo JN Stadiumo donggipa MSOA opiso konta 4 tom·e chanchirime nipiltokaha. Tom·anio mongsonggipa manderangoni sakgnide MSOAni General Secretary Finely A Pariat aro Department of Sports and Youth Affairsni Asst Director Paia B War Nongbri ong·achim. Meghalaya Games-ko name ong·atna man·na gita uamang sko dondime chanchirimaha.

Tom·anio uamang mongsongbate ong·atani sal somoiko, bak ra·nasigiparangni bidingo, kal·nasigipa dolrangko nirok-dakdilnagipa Chef de Missionko seokani bidingo, re·a doani bidingo aro gipin mongsonggipa kamrangni bidingo chanchirimaha.

Mikkangchi Sports Associationrangming tom·e chanchirimangkuna nanggnikoba ua tom·anio tik ka·aha. Chanchirime tik ka·giminrangko Organising Committeena on·gen, jedako ukode pil·taie nipile kam ka·taie katta minatna man·gen.

Iakoba poraie nina man·gen: Manipur: Tangkhul sakgittamko dokgiparangko rim·china konta 48ko somoi on·a