Guwahati, Aug 23: Batanggimin May 3 tarikoni a·bachenge dingtang dingtang jatni gisepo kajia-golmal ong·anichi Manipur a·doko jagittam batpilaona kingkingba so·so-jengjeng ong·anirangan gapkuaiengo, Meitei aro Kuki jatgnini adita sak skia man·gipa manderang damsan Butbar salo tom·enba, a·doko tom·tomaniko ra·bapilchina gita manderangko mol·molangaha.
Manipur-o so·so-jengjeng ong·atanirangko dontongchina gita a·dokni manderangko damsan mol·molangengon, Kuki jatoni saksa skia man·gipa aro Assam-o donggipa National Law University & Judicial Academy-o skie on·enggipa Dr T Tombing, a·doko tom·tomani sokbapilosa jatgnini gisepo meligrikpiltaina gita man·gen, maina tom·tomanisa mikkangchina skanggipa ja·kuko ga·ani ong·gen ine aganan baksa, gnigipara, so·so-jengjeng ong·anichi a·sel-obostako chagronggipa dolgnichinikon nigrike kamrangko ka·na gita nanggen aro uamangna kakket bichalko on·anio, kamo, miksonganio aro uko dakanio a·dokan namgipa kamrangchi dakmesokaniko on·na gita nanggen ineba ua aganangaha.
Uandake, Meitei jatoni sakgipin skia man·gipa aro Tata Institute of Social Sciences, Guwahati campus-o skie on·enggipa Dr Jilangamba, tom·tomaniko aro skango gita ong·bewalko a·doko ra·bapilna gita dingtang dingtang dolrang minggipin dakgipa kamrangko ka·skana man·gnini gimin an·tangni chanchiako aganangengon, a·dok mangmangsan ong·aigija, kajia-golmalko jripatna aro tom·tomatpilna gita media-ba gamchatgipa kamrangko ka·na gita man·gen ine aganangskaaha.
A·doko tom·tomaniko ra·bapilanio manderangko mol·molna gita, songsalna kamko ka·enggipa dolsa Axom Nagarik Samaj ia tom·aniko Butbar salo ong·atangaha, jeon Rajya Sabha-ni membor, Pa Ajit Kumar Bhuyan baksana gipinrang mongsonggipa aganprakgiparang ong·e bakko ra·angaha.
Iakoba poraie nina man·gen: Chandrayaan-3 jajongo ong·ona siengaha
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
