Shillong, August 17: Australia-ni Melbourne songjinmao, 2024 bilsini August 15 tarikoni August 25 tarikona ong•atenggipa Indian Film Festival-o Garo Hills-ni jawilwat tarianio mingsing minggamako man•gipa Dominic Sangma, uni tarigipa Rapture (Rimdogittinga) jawilwatna Best Director Critic Choice award-ko man•enba changsatai mingsing minggamaniko man•taiaha.
India a•songni mingsinggipa jawilwat tarigiparang jekai Lapata Ladies-ko tarigipa Kiran Rao aro Bahadur jawilwatko tarigipa Hemant Rao aro Diwa Shah baksa susagrikaniko dakenba, Salgro Salaram jolni A•chikku jawilwatko tarigipa ia gamchatbegipa award-ko chena gita man•aha.
Ia “Rapture” jawilwatara, nigiparangko Meghalaya a•doko donggipa Garo Hills-ni aiao inmanpile nitoanirangko mesokangan baksana, songadam biaprango manderangni tol•e jangbingbangatanirangko bebe ra•e kene janggi tanganirangkoba mesoka.
Ia “Rapture” jawilwatko da•o Tura-ni District Auditorium-o mesokaniko dakenga aro August jani 25 tarikona mesokangkugen.
Ia jawilwatara, walo mikgri ong•e saa donggipa bilsi 10 ong•gipa me•a bi•sani agangipa golpoko tarigipa jawilwat ong•a. Indake ia me•a bi•sa, songo noko bi•sarangko rim•gittangani gimin knasoenba kenjagoke janggi tangna gita nangengachim. Ia jawilwatko A•chikrangni dakbewal rikbewal aro bebe ra•anio pangchake taraiaha.
Ia bilsini March jao ia jawilwatko, France a•songni dam 100 theatre-rango skanggipa changna mesokaniko dakangchengaha.
Dominic Sangma-ni tarigipa feature film ba jawilwat “MA•AMA”-an, A•chikku jawilwatrangoni skanggipa National Award-ko man•chenggipa ong•aha. 2019 bilsini chang 22-gipa Shanghai International Film Festival-o ia jawilwat Best Cinematography Award-ko man•an baksana, Thrissur-o chang 14-gipa International Film Festival-o Best Film award-koba man•aha.
Sangma-ni 2-gipa tarigipa “Rapture” jawilwat Film Festival Circuit-o dal•a chu•sokaniko man•angskaaha. Ia jawilwatko Locarno Film Festival-o a•gilsak gimikna mesokaniko dakangchengenba, Australia-ni Brisbane songjinmao Asian Pacific Screen Award-ko ong•atanio Best Cultural Diversity award-ko man•e, Mumbai-ni MAMI-o NETPAC Award-koba man•angaha. Uasan ong•aigija, Los Angeles-o Indian Film Festival-ko ong•atanioba ua Honourable Mention Award-ko man•aha.
Indian Panorama, IFFI aro Guwahati International Short Film and Documentary Film Festival-oba Dominic Sangma, jury saksa ong•paan baksana India-ni International Film Festival-ni Preview Committee-oba ua dongpaa. 2020 bilsini Berlinale Talents-naba ua seokako man•aha.
Na·simang ia video-koba nina man·gen:
Na·simang iakoba poraina man·gen: “Mama, anga nangko pangnaba gualjawa”
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
