Tura, Jan 14: Robibar salo, Damra-oni Mendipathar-ona dakbagipa ramao bus gari bolsa a·sel ong·e gimik sak 19 manderang, saknaanirangko man·na nangaha aro uamangoni sakgnikode sanna bananiko ra·na gita Goalpara-ona ra·angchina doctor-rang u·iataha.
Koborko man·soani gitade, Robibar salo, North Garo Hills a·jani Damas-o ong·atanggipa chang 31-gipa Mariam Sodality Convention-o bak ra·na re·anggipa Dumnikura Parish-ni me·chikrang, Mendipathar-oni Bajengdoba-ona dakbagipa ramako re·bapilengachim indiba Nolbari-Miapara songni gisepgriko uamangni re·baenggipa bus gari nosto ong·changenba a·sel ong·aha.
Ia gari a·sel ong·anio gimik sak 19 manderang saknaanirangko man·aha aro uamangko sanna gita Mendipathar PHC-ona ra·angaha indiba sakgnikode bilongbate saknaanirangko man·ahani gimin nambate sanna bananiko ra·na Goalpara-ona ra·angchina gita doctor-rang u·iataha ine kobor on·aha.
Ia a·sel ong·anio garini driver-ba ja·a be·e saknaanirangko man·na nangaha ine kobor on·aha.
Ia a·selni bidingo talbata koborna sengkuenga.
Iakoba poraie nina man·gen: Magh Bihu maniani somoio Guwahati-o bang•a manderang tom•toka
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
