Tura, May 22: Gisikni gita an•seng baljoke dongna nanganiko manderangna u•iatna gita Budbar salo, Mental Health Awareness Rally ba jinma re•jomaniko Tura-o ong•atangaha aro ia re•jomanio, dingtang dingtang skulni chatro chatrirang bak ra•angtokaha.

Ia Mental Health Awareness Rally-ko World Mental Health Awareness Month-ko maniani bak gita West Garo Hills a•jani District Mental Health Program (DMHP) ong•atangaha aro ia re•jomaniko DMHP-ni Clinical Pyschologist Narbecca G Momin aro unbaksa kam ka•rimgiparang dilangaha.

Jinma re•jomaniko pring 11:00 baji dipet Tura District Auditorium-oni a•bachengate, Hawakhana AOC petrol pump gita wenbae District Auditorium-o matchotatpileaha.

Ia Mental Health Awareness Rally-o gimik damdok skulrang bak ra•angaha aro ia skulrangara, Tura Government Boys Higher Secondary School, Tura Government Girls Higher Secondary School, Christian Girls Higher Secondary School, Christian Boys Higher Secondary School, Nivedita Secondary School aro Tura Town Higher Secondary School ong•a.

Jinma re•jomaniko District Auditorium-o matchotatani ja•man skulni chatro chatrirangna Mental Health-ni bidingo poster tarisusaanikoba ong•atangaha aro ia poster tarisusaanio skanggipa boksisko Christian Boys Secondary School, gnigipako Christian Girls HS School aro gittamgipa boksisko Tura Town HS School cheangaha.

Na·simang ia video-koba nina man·gen:

Na·simang iakoba poraina man·gen: SSLC aro HSSLC Arts-ni result-ko May 24 tariko parakgen

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub