Shillong, Mar 31: Meghalaya Power Distribution Corporation Limited (MePDCL), One-Time Settlement Scheme gita bijoli bill-ko gamani tarikko March 31 tarikni palo April 30 tarikona ra·doaha. Iako ra·doani miksonganiara, bang·bata consumer-rangan ia on·enggipa somoio gipin gamdapna nanganirangoni naljokna man·a gita bijoli bill-rangko gamna man·a gita somoi on·dapengani ong·a.
MePDCL ia One-Time Settlement Scheme-ko, bijolini bill bang·dugae gamanio sinjetaniko man·enggipa consumer-rangna mongsongbate Domestic aro BPL consumer-rangna a·bachengataha. Ia scheme-o consumer-rang, Delay Payment Surcharge (DPC)-oni 100% mangni gitan watchanganiko ra·na man·gen. Indake gamani somoioba, One-Time Full Payment ba Interest-Free Installment Plan-oniko jekoba basee bill-ko gamna man·gen.
Ia scheme-o da·o dipet sak 12,262 consumer-rang bimungtangko segataha aro gong crore 15.97 mang bangki dongenggipa bill-rangko ia scheme gita gamnasienga.
Kobor ra·timgiparangna aganengon, ia on·taigipa somoio bijolini bill-ko gamna nangkuenggiparang cholko ra·e gamchina didiatan baksa ia scheme-o bak ra·na gita sepangbatgipa MePDCL office-ona re·angchina aro toll-free number 1912-ona ka·e sing·sandianiko dakchinaba MePDCL u·iatjolaha.
Na·simang ia video-koba nina man·gen:
Na·simang iakoba poraina man·gen: Nongkseh community hall-ko nokdonggaa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
