Chennai, May 5: Mere Mentor, ian India-ni kamgri dongenggipa chadamberangko dingtangmancha kamni bidingo u•ie ma•sie ra•ani bidingo agan ku•pattian baksana uamangna dingtangmancha kamrangko sandianio dakchakgipaba ong•a, jeni skotong-an Chennai-o ong•achim. Ia Mere Mentor-ko mikkangchina niksamsoe chanchina changgipa entrepreneur saksa Saurav Kumar a•bachengataha, aro iako a•bachengatani miksonganiara, nama changa sapanirangchi, cha•song gitalni bewalo skie on•anirangchi kamgri ong•aniko bon•atna miksonganian ong•a.
Iano, Integrated advanced Artificial Intelligence (AI)-ni gita dingtangmancha skie on•anian mongsonggipa ga•chatani ong•enga. Ia Mere Mentor, chadamberangna an•tangni namnikbatgipa kam ba carreer-ko basena man•a gita krabatgipa skie on•aniko dakan baksana ramako me•soke on•a.
“Ia Mere Mentor-o chinga ia chasongo nangbatgipa skie ra•aniko on•an baksana uamangni changa sapani aro uamangni namnikgipa kamrangko baseanio ba chu•sokgipa ong•na gita nangchongmotgipa agankupattianiko on•e chadamberangko bil gnangbatatna on•kange kamrangko ka•enga,” ine personalized mentorship-ni nangchongmotani giminba Saurav aganangaha.
Uasan ong•aigija, iano chu•gimik daka rikanirang, kal•anirangko kal•atenba changa sapaniko nisusaani, aro baditana namdapaniko man•aha uko u•ie ra•anirangkoba iano skie on•a. Iani gisepon, iako jakkale nikgipa sakantian an•tangtangni changa sapani, badia kamko basena nanga aro dingtang dingtang nangchongmotgipa changa sapanirangko skie ra•na nanga uko u•ina gitaba dakchaka.
Ia company, India-na agreba gipin biaprangoba jekai, Asiani dingtang dingtang a•songrang chongmotan Japan, China aro Bangladesh a•songrangoba, chadambe sakantini kamgri ong•anikoba bon•atna miksongenga.
Ia indake kamni a•bao changa sapaniko on•aniara, mongsonggipa chadamberangko bil gnangbatatna kam ka•ani baksa apsan ong•a.
Una agreba, Mere Mentor-ara an•tangtangko u•ina gitaba dakchaka. Iako jakkalenggipa chadamberang sakprakprakan skie on•gipa mande baksa session-rangko ra•na gita man•gen, aro unbaksana an•tangtangni changa sapaniko namdapatna aro mock interview-rangko ranta ka•jringanirangkoba dakna gita man•gen. Ia platform-o iako jakkalenggipa manderangna nambatsranggipa skie on•giparang baksaba agangolpogrikna gita cholko on•a aro sakanti chadamberangnan nambatsranggipa skie on•giparangkoba on•a jotton ka•a.
Ia indake, sakprakna nama skie on•aniko aro sakpraknan dingtang dingtang skie on•anirangni a•sel ia Mere Mentor, India a•songni nambatgipa skie on•enggipa dol ong•enga, jean pilak chadamberangko uamangni miksonggipa kamrangko man•a gita dakchakan baksana a•songo chadamberangni kamgri ong•e neng•nikanirangko man•engani giminba talate on•enga
Na·simang ia video-koba nina man·gen:
Na·simang iakoba poraina man·gen: Tura-o maming neng•nikani gri NEET porikkako ong•atna man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
