Guwahati, Feb 2: Sukrobar salo, Krishak Mukti Sangram Sammittee (KMSS) aro Nari Mukti Sangram Sammittee (NMSS)-o kam ka•enggiparang, me•chikrangko man•chape sak 1000 batpile dingtang dingtang biaponi re•bae, Guwahati-ni Chachal-o, micro finance-ni gita on•gimin loan-ko gamanio ritchengatchina dabienba jingjengataniko dakangaha.

Ia jengjengatanio, Assam Sivasagar-ni MLA aro Raijor Dal-ni Padot Akhil Gogoi ba bakko ra•angaha.

Ia jingjengataniko dakenggipa dolrang, 2021 Assembly Election-ni somoio, a•dok gimikni me•chik dolrangna jemangan micro finance-ni gita loan-rangko ra•ahachim, uamangni tangkako chotpilanio ritchengatna gita sorkarini gita dakchakaniko on•gen ine Himanta Biswa Sarma sorkari ku•rachakahachim, indake ong•genchimoba, uamang an•tangni ku•rachakaniko da•alonaba chu•sokatkujaengani gimin chinga jingjengataniko dakenga ine matnange aganaha.

Indake, ia jingjengatani somoio, uamang sorkarini kosako jegale kattarangko seenba sloganrangko ra•dotokaha.

Una agreba, uamangni dabiani memorandum-ko, Assam-ni police-rangni jak gita Skotong Minister-na on•ataha.

Iakoba poraie nina man·gen: UCC-ko ra•gatna skang Uttarakhand sorkarini draft bill-ko nichenggen: Assam CM

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub