Shillong, Apr 1: Robibar attamchibara, Meghalaya a•dokni bang•bata biaprangon mikka balwa ta•rakangenba, nok-jamrang aro ramarang nosto ka•ako man•na nangtokahani gimin nangani kri ja•kurangko de•china gita a•jatangtangni deputy commissioner-rangna ge•etaniko on•ataha ine Sombar salo, Meghalaya a•dokni Chief Minister Conrad K Sangma parakataha.
Iandake a•sel ong•ani somoirango dakchakanirangko nangenggipa manderangna dakchakanirangko on•na gita re•anggipa bilsion sorkari, ja•kurangko de•samsoaha ine janapatengon, a•jatangtango dakchakanirangko nangenggipa manderangna nangchongmotgipa bosturangko sualna ba dakchakanirangko on•na gita deputy commissioner-rang, Shillong-ona re•angna nanggija an•tangtangan ja•kurangko de•chakatna man•aignok ine Chief Minister parakataha.
Chief Minister-ni aganani gitade, mikka balwa ta•rakani aro chi bananirangchi neng•nikanirangko man•enggipa manderangna dakchakanirangko on•na gita sorkari, DC-rangna jakgitelaniko aro tangka paisarangkoba on•somanaha.
Meghalaya a•dokni dingtang dingtang biaprango ong•anggipa obostarangni bidingo a•dokni Chief Secretary, Sombar pringni bakon DC-rangoniko kobor ra•e unaba u•iatmanaha ine janapatskaengon, mikka balwa ta•rakanganichi nangchakeaniko aro neng•nikanirangko man•enggipa manderangna konta 24-oni konta 48-ni gisepon pilak nanga dakchakanirangko on•china gita DC-rangna ge•etaniko on•atmanaha ine Chief Minister parakataha.
Na·simang ia video-koba nina man·gen:
Na·simang iakoba poraina man·gen: Mikka balwa ta•rakanganichi Eastern West aro West Khasi Hills-o nok-jamrang bang•en nosto ka•ako man•a; bi•sa saksa sia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
