Shillong, April 4: Mikka wachi sepangengon mikkarang tipchanggija waanichi a·dokni adita biaprangon a·a ruanirangko nikna man·enga. April 4 tariko Shillongoni Dawaki-ona dakanggipa NH 40 ramao a·a ruanichi adita manderang neng·nikata man·aha. Koboro man·soani gita, Maruti Alto gari bolsako a·a rudapaha indiba rasong gnange gari salgipa garioni ong·kate katsrapna man·e maming saknaanikode man·jaha.

Ia somoirang jemangan Dawki jolchina re·angachim Pongtung-Lyngkhat sorok gita re·china ui·atanikoba on·aha.

Nangchongmotana agri wachini somoirango songrejachinaba ui·ataniko on·jolaha.

Shillong songjinmani Wahingdoh gittimo jean Synjuk Skul-ni sepango Unkhrah chibimani su·pekanichi adita sorokrang naptome nosto ong·ataniko man·aha.