Shillong, May 30: Bangladesh a·songchipakni aramrang ta·raken baldobaengani a·sel Meghalaya a·dok gimikon mikkarang jimbee waenganichi chirang banani cholrang dongengani gimin a·doko songdongenggipa manderangko mikrake dongchina Indian Meteorological Department (IMD)-oni u·iataha.
IMD-oni u·iatani gitade, May-ni 30 tarik Sukrobar salo, Meghalaya a·dokni East Khasi Hills, South West Khasi Hills, East Jaintia Hills, West Jaintia Hills, Eastern West Khasi Hills, Ri-Bhoi aro Garo Hills-ni pilak a·jarangon mikkarang jimbee waangkuani cholrang donga.
Bang·bata biaprangon mikkarang baksana balwarangba kontaprako km 40 ba 50 ka·e aro mitam biaprangode km 60 ka·e balani cholrangba donga ine IMD u·iataha.
Indake ong·engon, May 31 tarikoni June 3 tariona kingkingan Meghalaya a·dok gimikon mikkarang jime waangkuani cholrang donga ineba IMD-oni u·iataha. Ia salrango, mikka baksana mitam biaprangode balwarangba aditan ta·rakani cholrang donga.
Re·baenggipa salrango mikkarang dontonggija waangkuode, East Jaintia Hills, West Jaintia Hills, East Khasi Hills, West Khasi Hills, Ri Bhoi aro Garo Hills gimikon chi banani cholrangba donga ine IMD-oni mikrakataniko on·ataha.
Kenchakna nangbatgipa biaprango, skatang chi rikamrangona re·angjachina, man·a dipet nokrango nape dongchina aro Disaster Management department-rangni ge·etanirangko manichina gitaba IMD u·iataha.
Na·simang ia video-koba nina man·gen:
Na·simang iakoba poraina man·gen: Mikkarang jimbee waanichi ramao dal·dalgipa rong·terang ga·akonani a·sel Sohra-ona re·gipa ramako dikdiksana champengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
