Shillong, Mar 9: Bristibar salo, Meghalaya a•dokni Cabinet minister sakgittam, chong•motan Dr Mazel Ampareen Lyngdoh, Marcuise Marak aro Paul Lyngdoh-ko Meghalaya sorkari, Meghalaya Democratic Alliance (MDA-II)-ni official spokesperson ba ku•wattimgipani kamna songe on•angaha.
MDA-II sorkarini skanggipa Cabinet tom•aniko dilangani ja•man kobor ra•timgiparangna u•iatengon, Chief Minister Conrad K Sangma aro Deputy Chief Minister Prestone Tynsong baksana ia sakgittam Cabinet minister-rangba MDA-II-ni official spokesperson ong•gen ine Chief Minister parakataha.
Portfolio-rangni bidingo Bristibar attamchibara sorkari, seachi u•iatgen ineba Chief Minister parakataha.
Minister-rangna portfolio-rangko sualani bidingo janapatengon, dingtang dingtang niamrang aro minister-rangni gunrango pangchake portfolio-rangko sualgen indiba a•dokna namgni ong•nagipakosa sorkari nia ja•kuko de•gen ine Chief Minister parakataha.
