Aizawl, Nov 7: Mongolbar salo, ge 40 seat-rangna Mizoram Assembly Election-ko, pringni 7 bajioni pu•onnaniko a•bachengataha.

Ia election -o an•tangni gamchatbegipa bilko jakkale pu•onna gita bakrobee riting riting chadenge senganiko nikna gita man•aha.

Election Commission of India (ECI)-ni janapani gita, sak 8.5 lakh pu•onna man•giparang ia dam 1,276 polling station-rango, an•tangtangna on•gimin bilrangko jakalanggen.

Indake, ia Mizoram Assembly pu•onnanio, dingtang dingtang political party-rangoni aro Independent party-rangoni sak 176 candidate-rang susaaniko dakangaha.

Mizoram-o pu•onna gita bil man•gipa chu•gimik sak 8,52,088-oni, sak 4,13,064 me•asarang ong•achim aro sak 4,39,028 me•chikrang ong•achim aro ianoni sak 50,611 voter-rangde bilsi 18-19ona skanggipa changna pu•onchenggiparang ong•achim.

Da•o bilo ong•enggipa party Mizo National Front (MNF) aro opposition party Zoram People’s Movement (ZPM) aro Congress party-ni candidate-rang ia ge 40 seat-rangna susaaniko dakangaha. Uandake, BJP-ni sak 23 candidate-rang aro Aam Aadmi party-ni sak 4 candidate-rang aro sak 27 Independent candidate-rang ba ia election-o susaangaha.

Batanggimin 2018 bilsini election-o, da•o bilo ong•enggipa party MNF ge 26 seat-rango 37.8%-ko man•enba chegipa ong•aha.

Iakoba poraie nina man·gen: Nagaland-ni Kenei Ritse Miss Northeast 2023-o chea

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub