Imphal, Dec 7: Mizoram Assembly Election-o pu•onaniko channanio, Zoram People’s Movement (ZPM)-ni dilgipa Lalduhoma-ni chegipa ong•ahanina Manipur-ni Kangpokpi-o donggipa manderang kusi ong•e manianiko dakangaha.

ZPM-ni dilgipa aro uni party-ko eleksin-o cheahanina, katchaapaaniko on•a gita, Kangpokpi Town Committee, Kangpokpi Women Welfare Organization aro Kangpokpi Youth Union nangrimenba songjinmani Committee Office-o kusi ong•e tom•bimonganiko Bristibar salo ong•atangaha.

Unbaksana, Mizoram-o manderangni gitalgipa sorkariko rikna krenge kamko ka•ahanina Mizoram-ni manderangkoba, Kangpokpi-ni Kuki-Zo manderang mitelpilskaaniko dakan baksa namgipa skaaniko on•ataha.

Indake, Kangpokpi-ni Kuki-Zo manderang ZPM-ni dilgipa aro uni kam ka•rimskarangko de•mitelaniko dakengon, Lalduhoma-ni dilanichi ia gitalgipa sorkariko rikanio, pilak Kuki-Zo jatrangna pattiani ong•gen ine aganan baksa, ZPM-ni dilgipani kosako an•sengbaljokaniko on•china aro gitalgipa sorkariko rikanio namgipa gisik seng•aniko pattichina inenba nama skaaniko on•angaha.

Iakoba poraie nina man·gen: Harijan Colony-ni manderangna acre 1.4 a•ako on•dapna sorkari tik ka•a