Guwahati, Apr 13: Drugs ba pekatgipa sam badinganiko champengna Revenue Intelligence Directorate-ni gita ja·kurangko de·anio, April 11 tarik walo, gong crore 52.67-ni kg 52.67 ong·gipa methamphetamine tablet-rangko Mizoram a·dokni Aizawl songjinma rikamo, truck bolsaoniko rim·na man·aha.
Ia samrangko, ge 53 packet-rango ‘3030 Export Only’ aro ‘999’ ine chinrangko dakenba, tarpauline-chi remreme truck gario ra·baengachim. Ja·mano ia samrangko porikka ra·e nion, ia samrangara methamphetamine tablet-rang ong·a ine official-rang ma·sina man·aha.
Official-rangni u·iatani gitade, ia truck gari Indo-Myanmar simao donggipa Zokhawthar-oniko ia samrangko salbaaha aro Tripura-chipakna re·angengachim.
Ia truck garini bidingo koborko man·soani ja·man Intelligence official-rang, ia truck gariko Aizawl songjinmani rikamo rim·sona man·aha.
Iani bidingo Revenue Intelligence-ni official-rang garinik driver aro una dakchakgipa mandeko Narcotic Drugs & Psychotropic Substances (NDPS) Act 1985-ni ning·o rim·aha.
Na·simang ia video-koba nina man·gen:
Na·simang iakoba poraina man·gen: Assam-o Waqf Act-ko jegalenggipa manderang, police-rang baksa nanggrika
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
