Guwahati, Apr 13: Assam a·dokni Silchar ning·o donggipa Chamragudam, Berenga, Old Lakhipur Road aro uandakgipa dingtang dingtang biaprango, Waqf Amendment Act-ko jegalenggipa manderang, jingjengatanirangko dakangaha aro ia manderangni jinma jegale re·jomengmiting somoio police-rang, manderangko katatna gol·dikrangchi dokruruaha.
Waqf Amendment Act-ko jegale manderang jinma, Robibar pringo, Berenga-oni re·jomna a·bachengataha aro a·bachengo manderang tom·tome re·jomahaoba ja·mano mitam chadamberang police-rangko ro·ongrangchi goahani gimin police-rang, jegalenggipa manderangko katatna gol·dikrangchi dokruruna a·bachengaha.
Ia Waqf Amendment Act-ara Muslim-rangni kosako ra·gatenggipa niam ong·a ine jinma re·jomenggipa manderang, jegalanirangko daktokaha aro ia niamko ra·galpiljagenchimode bilakbate jingjengatanirangko dakangna ka·mikkenatangtokaha.
Jinma re·jomaniko police-rang, Old Lakhipur Road, Water Works Road, Kalibari Road aro Fatak Bazar jolrangko kapenge champengna jotton ka·ahachim indiba manderang manigija re·jomangahani a·sel ja·mano police-rang baksa nanggrikna nangaha.
Ia a·selni bidingo kobor ra·timgipa manderang baksa agangrikengon, a·bachengode manderang tom·tomesa re·jomengachim indiba ja·mano mitam chadamberang police-rangko ro·ongrangchi goahani gimin police-rang, manderangko katatna gol·dikrangchi dokruruna nanga ine Cachar-ni SP Numal Mahatta aganaha.
Na·simang ia video-koba nina man·gen:
Na·simang iakoba poraina man·gen: Nepal-ni Durga Prasai-ko Assam-ni Baksa a·jao rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
