Aizwal, Aug 23: Mizoram a·dokni Sairang jolo rel ramana dollongko kaatenggipa Butbar salo be·grue a·sel ong·anichi, komibeoba sak 17 manderangni janggi gimana gita nangaha aro adita sak gipinrang jokkom ong·tokaha ine ja·pangoniko koborko man·soaha.
Ia obosta ong·ani bidingo police-oniko koborko man·ani gitade, ian Butbar pring 10 bajimango ong·aha aro obosta ong·mitingo sak 40 oni sak 50 mangni gita dingtang dingtang gadango kamko ka·enggiparang biapo kamko ka·tokengachim.
Indake ong·engon, dollong be·gruanichi ning·o jachange donggipa manderangba dongani gimin sandiataniko dakatenga ineba koborko man·sodapaha.
Ia rel ramara, salgro-salaram a·dokrangni skotongko rel ramachi nangdimatna miksonge kaatenggipa Railways project-ni bak ong·a, jean Mizoram a·dokni Kurung chibimako kabatenggipa dolong ong·achim.
Unomiting, ia ong·na kragija obosta ong·anina a·songni Prime minister Pa Narendra Modi, sianggipani nokdangrangna kalimpaaniko on·atenba, a·selo janggi gimagipa nokdangna gong lak 2 ka·e tangkako on·pilskana, aro jokkom ong·gipa nokdangna gong hajal 50,000 ka·e on·pilskana gita parakataha.
Unbaksana, Railway minister Pa Ashwini-ba a·selo sianggipa kam ka·gipani nokdangrangna lak 10 tangkako on·na aro jokkom ong·gipani nokdangrangna gong lak 2 tangkarangko gimaanina on·pilskana gita parakataha.
Iakoba poraie nina man·gen: Kolkata M’laya House-ko chalaina on•ani bidingo name sandichengchina Conrad didia
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
