New Delhi, Nov 8: Sagipa-ding·giparangko nirok-simsake dingtangmanchagipa sana-banirangko on·anio, Mizoram a·dokni Thingsulthliah PHC-ni saksa Staff Nurse Pi Vanlalrovi, mija Sombar salo 2021 bilsini Florence Nightingale Award-ko a·songni President Ma Droupadi Murmu-ni jakoniko ra·chakangaha.

Ua award-rangko, Sombar pring 11 bajio Rashtrapati Bhawan-o a·songni President-ni jakchi gimik sak 150 manderangna on·angaha.

Iandake, nurse-rang aro nursing professional-rangni songsalni manderangna dingtangmanchagipa aro de·mittelako man·na krapilgipa kamrangchi sana-bananirangko on·enggiparangko mande rapilskana gita National Florence Nightingale Award-rangko 1973 bilsio India sorkarini Ministry of Health and Family Welfare a·bachengataha.