Aizawl, Oct 9: Mizoram aro gipin dam 5 a·dokrango assemblyna election ong·atani tarikko Election Commission of India da·al Sombar salo parakataha.
Mizoram a·doko assembly election ia bilsini November 7 tariko ong·gen, aro uko December jani 3 tariko changen.
Chief Election Commissionerni u·iatani gitade, iani bidingo October 13 tarikni Gazette-o parakatgen, aro October jani 20an nomination file ka·ani bon·kamgipa tarik ong·gen.
Nomination file ka·ako biming ra·galpilani bon·kamgipa tarik October 23 ong·gen aro electiono susanasienggiparangni scrutiny-ko October 21 tarikona donsoaha.
Electiono pu·onna man·giparang Mizoram a·doko sak lak 8.51 gnang. Da·o sorkariko rikenggipa MNF aro BJP re·baenggipa electiono dol dakgija paltangtang susagen.
Mizo National Front a·dok sorkariko rikgipa dol ong·enga. Ia sorkarini sal December 17 tariko bon·gnok.
Chief Minister Zoramthangani dilanio Mizo National Front (MNF) a·dok sorkariko rikenga. 2018 bilsini assembly electiono MNF dam 40 biaprangoni dam 26 biaprango chegipa ong·aha. Ua somoio dam 8 biaprango gipinrang cheaha; Congress dam 5 biaprango aro BJP damsaosan man·rikaha.
Indiani salgro-salaram jolo Mizoram a·dokosan Congress sorkari rikengachim. Ua sorkariko MNF pe·gale bilsi 10ni ja·mano bilona re·bapilaha.
2008 bilsionin Mizoramni Chief Minister ong·e chalaienggipa Lal Thanwala gittamgipa changna sorkario bilko man·pilkuna ka·dongachim, indiba ua damgni biaprango susaoba damgnion cherikjaha. Champhai South elakao uko MNF partyni TJ Lalnuntluanga 1000 vote-rangchi amaha aro Serchhip elekao uko Zoram Peoples’ Movement dolni Lalduhoma 410 voterangchi amaha.
Iakoba poraie nina man·gen: Sikkim chi-banao man·pakanggipa mortar shell gopretanio sakgni sia, sakbri jokkom
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
