Williamnagar/Tura, Mar 29: A·gilsakni pilak biaprango gitan Meghalaya a·dokoba Good Friday ba Rongtalgipa Sukrobar salko Kristian bebera·giparang, Jisu Kristoni papirangna Chisolo datkapa man·e sianiko gisik ra·na gita maniangtokaha.
Williamnagar-o ia salko Jesuit bebera·giparangni Dawagre-o chalaienggipa Mater Dei Parish-o maniangaha aro ia manianio Catholic bebera·giparang, Jisu Kristoni duk chakanina aro janggitangko on·kanganina kalimaniko dake Isolko olakkiangtokaha.
Ia olakkianio, Kristian bebera·giparang, Jisu Kristoni Skobikrok a·briona duk chakaniko gisik ra·na Chisolni Ramako dakaha aro ia olakkianio, Jisu Kristoko bichal ka·ani gimin Rongtalgipa sastrooniko manderangna poraiatenba talatanirangkoba on·angaha.
An·tangtangni paprangna sichakani gimin ia olakkianio manderang, dingtangmancha Jisu Kristoko mande ra·pilskaani chin gita Jisuko Chisolo datkapani bimango ku·dimtokaha.
Ia Good Friday-ko Tura-ni Sacred Heart gilja nok, Tura Baptist Mondoli, aro Garo Hills-ni pilak mondolirangoba maniangtokaha aro Jisu Kristoni chisolo sianiko gisik ra·e ring·mittelanirangko aro bi·rimanirangko dakangaha.
Na·simang ia video-koba nina man·gen:
Na·simang iakoba poraina man·gen: North East India Petroleum Dealers Association konta 48-na petrol pump-ko dondikatgen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
