Guwahati, Mar 29: Greater Guwahati Unit, North East India Petroleum Dealers Association, uamangni dingtang dingtang nangnikanirangko dabienba, Assam-ni dam 3 a•jarango, Kamrup Metro, Kamrup aro Morigaon a•jarango March 30 tarikni pring 5 bajioni a•bachengate,April1tarik pring 5 bajiona, konta 48-na petrol pum-rangko chipatenga.
Indake, Greater Guwahati Unit-ni North East India Petroleum Dealers Association, ia bandh-ko ong•atna Sukrobar salo Guwahati-o press conference-ko ong•atangaha.
Songbat segiparang baksa agangrikengon, North East India Petroleum Dealers Association-ni padot Rajiv Goswami, election-na maming neng•nikanirangko ra•bajana uamang Sonibar aro Robibar salko baseaha aro ia dondikatenganiko nangnikjagenchimode, Oil Company-oniko DC-an jako ra•e chingna on•china inenba aganaha.
Unbaksana, ge•gittam Oil Company-rang, chongmotan, Indian Oil, HPCL aro BPCL-na uamangni nangnikanirangko janapenba adita chittirangkoba seatahachim, indake ong•genchimoba, uamangoniko ku•saba aganchakaniko man•kujaenga. Indake, uamangni koros ka•anirang batroroskaenga aro uamang noksan ong•anirangko chagrongengaha aro unbaksana, digital payment system-koba dondikataha aro premium petrol-rangko palna draataniko man•enga ineba Association aganaha.
Indake, uamangni account-oniko tangka kattiani tik ong•gijaniko jegalenba aro uamangni dabianiko chu•sokatjaengani gimin konta 48-na dondikataniko dakenga ineba uamang janapdapataha.
Uamangni mongsonggipa dabianirangara, digital transaction ka•aniko ra•galani gimin jegalani, uamangni man•gniko bariatani aro ramram petrol-na bate gong 10 ba 12 damko bate premium petrol-rangko palengnina namnikgijae jegalaniko dakani ong•a.
Na·simang iakoba poraina man·gen: Assam-Mizoram sima ari sepang Hailakandi-oniko mang 52 Indonesian do•orangko srik srik palbadinganiko naljokata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
