Shillong, Aug 16: Meghalaya a•dokni skanggipa bio-fertilizer unit-ko Budbar salo, a•dokni Chief Minister Conrad K Sangma, Mawphlang-ni Kyiem songo kulie on•angaha.

Ia bio fertilizer unit-ko a•bachengate on•angani somoio a•dokni Chief Minister, jinmana aganprakangengon, ia bio fertilizer unit-ko a•bachengatanichi a•doko ong•telaigipa a•salrangchi gama ge•aniko tang•doatna sorkarini kam ka•anio bang•en dakchakanirangko on•gen ine parakataha.

A•doko ong•telaigipa a•salrangchi gama ge•aniko chu•sokatanio, manderangni brena man•gipa a•salrangko chu•onga gita on•aniara nangchongmotgipa ong•enga ineba Sangma aganaha.

Da•o dipet a•doko ong•telaigipa a•salrangko metric ton 25,000-mangni gita nangenga ine janapatengon, ia bio fertilizer unit-ko kulianichi, a•dok gimiknan chu•onga gita ong•telaigipa a•salrangko sokate on•na man•gnok ine Chief Minister, an•tangni ka•dongchakenganiko parakangaha.

Iakoba poraie nina man·gen: Mawphlang-o ‘Travellers Nest’-ko CM do·ga oe on·anga

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub