Shillong, Mar 12: Parliament-o pass ka·aoni bilsi bongani ja·man Sombar salo, Citizenship Amendment Act (CAA)-ko ma·mong sorkari niam dake ra·gatangahaoba Meghalaya a·dokko man·chape salgro salaramni pilak Sixth Schedule a·jarangkon ia niamoniko watchanggalskaaha.
Da·o Lok Sabha election-ni tarikrangko Election Commission parakatna skangmangmang, ia CAA-ko BJP-chi dilenggipa ma·mong sorkari, niam dake ra·gatangskaaha.
Ia CAA-na dorgastorangko online gita on·anggen aro iana dingtangmancha web portal-ko on·somanaha.
Citizenship (Amendment) Rules 2024-ni bidingo u·iataniko Union Home Minister Amit Shah mittelpilangengon, ia niamko ra·gataniara, Pakistan, Bangladesh aro Afghanistan a·songrango toromni gita a·rikgala man·enggipa manderangko India a·songo nokchakna gita cholko on·gnok ine parakataha.
Ia CAA-ko 2019 bilsini December 11 tariko Parliament-o pass ka·chengahachim aro iani a·selan India a·songni dingtang dingtang bakrango jegalanirangko nikna gita man·ahachim.
Indake ong·engon, ia CAA-ko Sombar salo ma·mong sorkarini niam dake ra·gatangahani gimin Assam a·doko songdongenggipa manderang aro dingtang dingtang dolrang, ma·mong sorkarini kosako jegalanirangko dakna a·bachengtokskaaha.
Mongolbar saloni a·bachenge Assam a·doko, dol 16 opposition dolrangni nangrime bikotgipa United Opposition Forum Assam (UOFA), dingtang dingtang jingjengatna a·bachengataha.
Na·simang iakoba poraina man·gen: Meghalaya-ni Sixth Schedule ning•o ga•akgipa jolrango CAA bak nangejawa: CM
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
