Shillong, Nov 29: Manderangna gisikni gita an·seng-baljokaniko on·ani bidingo ong·gipa Meghalaya Mental Health and Social Care Policy-ko a·dokni Cabinet, Mongolbar salo ra·chakangaha. Uandake, ia Mental Health and Social Care-na India a·songo policy-ko ra·gatgiparangoni Meghalaya a·dok gittamgipa ong·enga.
Meghalaya is the 3rd State in India to have come out with a policy for Mental Health & Social Care.
This policy will ensure proper attention to mental health especially for children, adolescents and youth.@narendramodi @mansukhmandviya @dpradhanbjp
— Conrad Sangma (@SangmaConrad) November 29, 2022
Ia policy-ko, mongsongbate bi·sarang, dal·drobaenggiparang aro chasong damberangna gisikni gita an·seng-baljokanirangko on·ani gimin chu·onga gita niroke kamrangko ka·angna gita miksonge ra·gataha.
Iani bidingo a·dokni skotong minister Pa Conrad K Sangma-ni aganatani gita, ia policy-ara a·dokna namen gamchatgipa ong·gen, jekon batanggimin somoio manderang dal·e ra·jahachim ine aganenba, iandakgipa policy-ko ra·baanichi mongsongbate bi·sarang, dal·drobaenggiparang aro chadamberangna gisikni gita an·seng-baljokanirangko on·ani gimin gisiko nangbate kamko ka·angna man·gnok ine skotong minister, cabinet tom·ani ja·man parakataha.
“Mandena be·enni gita an·seng-baljokanikosan ong·aigija, gisikni gita an·seng-baljokanikoba nangchongmotani gimin, batanggimin somoio iako dal·e ra·jahaoba a·dokni gita aro sorkarini gita ia pollicy-ko a·dokni manderangna nangchongmotenganiko nikaha” ine skotong minister, uni Twitter-oba seataha.
Apsan salon a·dokni Cabinet, kragija dake kal·akako man·ani a·selo gisikni aroba be·enni gita sinjetaniko man·gipa me·a ba me·chik, me·a ba me·chik bi·sarangna dakchakanirangko on·ani bidingo ong·gipa aro namdapatgimin Meghalaya Victim Compensation Scheme 2019-koba ra·chakangjolaha.
The amendment was made as per the national policy in terms of the different necessary additions & criteria, including the increase of compensations etc as approved by the national policy.
— Conrad Sangma (@SangmaConrad) November 29, 2022
Ia scheme-ko, national policy-ni tik ka·gimin gita dingtang dingtango on·dapanirang aro on·anirangko bariatanirang ua ugitarango national policy-ni ra·chakatgimino pangchakesa namdapataha.
