Tura, Jan 16: Track & Field susaanirangko Pa Togan Nengminja Sangma Stadium-o ong•atanio, long jump, katsusaani aro uandakgipa susaanirango chegiparangna skanggipa salon medal-rangkoba on•angaha.

Me•asarangni 100 metre race ba katsusaanio West Jaintia Hills a•jani Renaldi Dhar, skanggipa ong•aha aro uni ja•man South West Garo Hills a•jani Gracewin Ch Marak, gnigipa ong•e, Ri Bhoi a•jani Pilo Ronghang gittamgipa ong•skaaha.

Me•chikrangni 100 metre race-o East Khasi Hills a•jani Angelina Jackson, skanggipa biapko man•skaaha aro uni ja•man West Khasi Hills-ni Saviinity Jyndiang, gnigipa biapko man•e, South West Khasi Hills a•jani Ibaiahun Kurbah, gittamgipa ong•skaaha.

Me•asarangni 1500 metre race-o Ri Bhoi a•jani Skhemlang Suba, skanggipa biapko man•aha aro West Jaintia Hills a•jani Dabit Dkhar, gnigipa biapko man•e, East Jaintia Hills-ni Banjoplang Wanniang, gittamgipa biapko man•rikskaaha.

Me•chikrangni 1500 metre race-o East Khasi Hills a•jani Glorify Kurbah skanggipa, South West Khasi Hills a•jani Daplin Wahlang gnigipa aro South West Khasi Hills-ni Balasiewdor Pathaw, gittamgipa biapko man•e chegipa ong•skaaha.

Me•asarangni High Jump final-o Ri Bhoi a•jani Primus Ronghi skanggipa, East Garo Hills a•jani Pringchang N Sangma gnigipa aro North Garo Hills a•jani Simeon Marak, gittamgipa ong•skaaha.

Me•chikrangni High Jump-o Ri Bhoi a•jani Rinalis Ingti skanggipa, Ri Bhoi a•jani Andrisha Klein gnigipa aro East Garo Hills a•jani Roshni Ch Marak gittamgipa biapko man•e chegipa ong•skaaha.

Iakoba poraie nina man·gen: M’laya Games 2024: Me•chikrangni basketball kal•susaanio EJH-ko SWKH chea

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub